Аўтамабілі, якія замінаюць уборцы снегу, будуць эвакуаваць на штрафстаянкі 5

Дарожнікі Мінска 25 студзеня будуць убіраць снег на больш чым 30 вуліцах сталіцы. У сувязі з гэтым рэкамендавана не паркаваць свае машыны ў раёнах выканання работ, паведамілі ў прэс-службе Мінгарвыканкама.

«25 студзеня дарожнымі службамі сумесна з ДАІ Мінска будзе ажыццяўляцца ўборка і вываз снегу з вулічна-дарожнай сеткі. Пераканаўчая просьба: аказаць садзейнічанне ва ўборцы і вызваліць праезную частку ад прыпаркаванага транспарту, а таксама без крайняй неабходнасці не заязджаць на ніжэйпералічаныя вуліцы», — адзначылі ў прэс-службе. Аўтамабілі, якія знаходзяцца ў месцах правядзення прац, будуць эвакуаваныя на штрафныя пляцоўкі.

Месцы ўборкі снегу:

Захарава, Даўгабродская, Першамайская, Партызанскі, Тухачэўскага, Герасіменкі, Ангарская, Багдановіча, Чырвоная, Машэрава, Кісялёва, Якубава, Пляханава, Лучыны, Прушынскіх, Жукоўскага, Варанянскага, Асаналіева, Бачылы, Ротмістрава, праспект газеты «Звязда», Рафіева, Ясеніна, Някрасава, Багдановіча, Я. Коласа, Харужай, Бельскага, Альшэўскага (ад П. Глебкі да пр. Пушкіна), П. Глебкі, Карбышава, Акадэмічная (ад пр. Незалежнасці да вул. Платонава), Вадалажскага, Платонава.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ