«Адзінае пра што я яго прашу, няхай аддасць мне сына. Яго спачуванні не патрэбныя».
Аляксандр Лукашэнка ў інтэрв’ю расійскай тэлекампаніі Russia Today заявіў, што больш за ўсё спачувае бацькам расстраляных па справе аб тэрактах.
Але дапамагчы ім не можа. Самае складанае для яго — гэта падпісаць адпаведны ўказ аб непамілаванні. Аляксандр Лукашэнка дадаў, што за час свайго кіраўніцтва краінай памілаваў толькі аднаго чалавека. Маці Уладзіслава Кавалёва, аднаго з расстраляных, назвала выказванне Лукашэнкі цынізмам. Па словах Любові Кавалёвай, ёй не патрэбны гэтыя словы. Але яна будзе звяртацца да Лукашэнкі, каб аддаў яе сына:
— Калі Лукашэнка падпісваў указ забіць майго сына, ён выдатна ведаў, што мой сын не вінаваты і чуць з яго вуснаў словы спачуванні — гэта блюзнерства.
Адзінае пра што я яго прашу, няхай аддасць мне сына. Яго спачуванні не патрэбныя.
Любоў Кавалёва кажа, што суд нельга назваць празрыстым і справядлівым. «Працэс праходзіў па прадвызначанаму сцэнару. Віна Дзмітрыя Канавалава і Уладзіслава Кавалёва не была даказаная. Шматлікія экспертызы пацвярджалі іх недатычнасць да выбухаў. Але гэта не было ўлічана», — лічыць Любоў Кавалёва.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары