Luboŭ Kavalova: Spačuvańni Łukašenki — heta cynizm
«Adzinaje pra što ja jaho prašu, niachaj addaść mnie syna. Jaho spačuvańni nie patrebnyja».
Alaksandr Łukašenka ŭ intervju rasijskaj telekampanii Russia Today zajaviŭ, što bolš za ŭsio spačuvaje baćkam rasstralanych pa spravie ab teraktach.
Ale dapamahčy im nie moža. Samaje składanaje dla jaho — heta padpisać adpaviedny ŭkaz ab niepamiłavańni. Alaksandr Łukašenka dadaŭ, što za čas svajho kiraŭnictva krainaj pamiłavaŭ tolki adnaho čałavieka. Maci Uładzisłava Kavalova, adnaho z rasstralanych, nazvała vykazvańnie Łukašenki cynizmam. Pa słovach Lubovi Kavalovaj, joj nie patrebny hetyja słovy. Ale jana budzie źviartacca da Łukašenki, kab addaŭ jaje syna:
— Kali Łukašenka padpisvaŭ ukaz zabić majho syna, jon vydatna viedaŭ, što moj syn nie vinavaty i čuć ź jaho vusnaŭ słovy spačuvańni — heta bluźnierstva.
Adzinaje pra što ja jaho prašu, niachaj addaść mnie syna. Jaho spačuvańni nie patrebnyja.
Luboŭ Kavalova kaža, što sud nielha nazvać prazrystym i spraviadlivym. «Praces prachodziŭ pa pradvyznačanamu scenaru. Vina Dźmitryja Kanavałava i Uładzisłava Kavalova nie była dakazanaja. Šmatlikija ekśpiertyzy paćviardžali ich niedatyčnaść da vybuchaŭ. Ale heta nie było ŭličana», — ličyć Luboŭ Kavalova.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary