Абражаны чытач просіць ануляваць пасьведчаньне аб рэгістрацыі незалежнага выданьня.
Берасьцеец Леанід Валабуеў зьвярнуўся ў суд з пазовам, у якім вінаваціць газэту «Брестский курьер» у зьнявазе гонару, годнасьці й дзелавой рэпутацыі
У пазоўнай заяве спадар Валабуеў паведаміў, што газэта распаўсюдзіла «паклёпніцкія зьвесткі», надрукаваўшы на сваіх старонках нататку «Песнь о Волубуеве». Пазоўнік патрабуе абвергнуць тыя зьвесткі й кампэнсаваць маральныя страты на 2 мільёны рублёў. Ён просіць таксама ануляваць пасьведчаньне аб рэгістрацыі незалежнага выданьня.
Галоўны рэдактар выданьня Мікалай Аляксандраў зьвярнуў увагу на тое, што спрэчная публікацыя зьяўляецца пародыяй і зьмешчаная на гумарыстычнай старонцы. Акрамя таго, першапачаткова яна была распаўсюджаная праз інтэрнэт і надрукавана ў адным з расейскіх часопісаў.
На думку спадара Аляксандрава, газэта не адказвае за распаўсюджваньне зьвестак, што раней зьявіліся ў іншых сродках масавай інфармацыі.
Перад пачаткам судовага паседжаньня высьветлілася, што жонка Леаніда Валабуева зьяўляецца народным засядальнікам у судзе Ленінскага раёну Берасьця, таму справу вырашылі перадаць на разгляд у іншую судовую ўстанову.
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары