Яго кошт сягае 500 даляраў за 1 кілаграм. «Трэба сваіх людзей прывучаць да нармальнага мяса».
Аляксандр Лукашэнка даручыў наладзіць у Беларусі вытворчасць і перапрацоўку мармуровага мяса. Такую задачу ён паставіў сёння ў час рабочай паездкі па Гомельскай вобласці.
«Мармуроваму мясу быць. Мы наладзім асобную перапрацоўку, разам знойдзем рынкі рэалізацыі і будзем прадаваць», — прыводзіць яго словы дзяржаўнае агенцтва БелТА.
Лукашэнка адзначыў, што беларускія спецыялісты ўжо вывучаюць замежны вопыт у гэтай справе.
«Цяпер мы купляем лінію, гэта нядорага для дзяржавы, усё па еўрапейскіх стандартах спакуем і будзем прадаваць. Сёння велізарны попыт на такую прадукцыю ў Расіі.Таму займацца гэтым будзем, у нас знікае велізарная колькасць угоддзяў»., — падкрэсліў ён.
Лукашэнка даручыў
«Трэба сваіх людзей прывучаць да нармальнага мяса і лішкі рэалізоўваць у Маскву».
***
Мармуровае мяса дала свету больш за 130 гадоў таму Японія, а разам з ім і мноства спрэчак адносна таго, ці сапраўды мармуровае мяса заслугоўвае тых высокіх статусаў, якія яму прыпісваюць.
Міф аб выключнасці гэтага прадукта нарадзіўся дзякуючы асаблівай тэхналогіі вырошчвання быкоў. У звыклым разуменні гаворка ідзе толькі пра ялавічыну, як пра класічнае мармуровае мяса, нягледзячы на тое, што цяпер мармурызацыі падвяргаецца і свініна, і нават бараніна. Бычкоў, прызначаных для мармурызацыі, вырошчваюць у спецыяльных умовах на спецыяльнай дыеце. Усё гэта робіцца для таго, каб у канчатковым выніку атрымаць мяса з тонкімі прожылкамі тлушчу, якія нагадваюць мармуровы ўзор.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары