Дзень Маці адзначаецца штогод у другую нядзелю мая.
У гэты дзень усе жыхары Зямлі вітаюць сваіх мам ці ўшаноўваюць іх памяць, успамінаючы дзяцінства і цудоўныя моманты зносін з бацькамі. Першымі свята афіцыйна прызналі ЗША, Аўстралія, Канада і Індыя. Пасля да гэтага выдатнага свята далучыліся і іншыя краіны свету.
У апошнія гады ў ЗША, дзякуючы праекту «Get on the bus», свята могуць адзначыць і тыя дзеці, мамы якіх апынуліся ў турме.
Кожны год праект арганізуе паездку дзяцей да месцаў пазбаўлення волі, дзе знаходзяцца асуджаныя маці. Турма часта знаходзіцца далёка за межамі буйных гарадоў, таму дзеці маюць магчымасць убачыцца з мамамі толькі раз у год.
Дзеці прывозяць з сабой любімыя цацкі, уласнаручна зробленыя паштоўкі і сабраную за год дробязь, каб падарыць іх маме.
У ЗША большасць асуджаных жанчын жыве больш чым за 160 кіламетраў ад сваіх сем’яў.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары