У Мінску будуюць новы сацыяльны пансіянат «Сонечны» для дзяцей з асаблівасцямі развіцця. Комплекс з’явіцца на вуліцы Выгоцкага, 16 і будзе складацца з шасці асобных будынкаў, якія злучаць паміж сабой спецыяльнымі галерэямі, паведаміў «Мінскбуд».
Будаўнікі паведамілі, што да канца мая плануюць завяршыць маналітныя работы па каркасах усіх аб’ектаў. У будынках, дзе размесцяцца басейн і спартыўная зала, ужо гатовыя знешнія сцены, працягваюцца работы па даху і ўнутраных камунікацыях.
Акрамя гэтага, на тэрыторыі пракладаюць цеплавыя і водаправодныя сеткі, а ў маі таксама пачнуць бетанаванне падмуркаў для агароджы комплексу.
Новы пансіянат будзе двухпавярховым, але даволі вялікім па плошчы — больш за 6,6 тысячы квадратных метраў. Ён разлічаны на 120 месцаў.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары