Стала вядома пра вызваленне палітвязня Уладзіміра Дударава — былога віцэ-мэра Магілёва
У 2020‑м ён узначаліў абласны штаб Віктара Бабарыкі і адразу атрымаў вялізны тэрмін за «махлярства» і «перавышэнне ўлады».
Выйшаў на свабоду 49‑гадовы Уладзімір Дудараў. Яму прысудзілі 7,5 года зняволення за злоўжыванне службовымі паўнамоцтвамі (ч. 3 арт. 426 КК) і махлярства (ч. 4 арт. 209 КК), але прэтэнзіі да былога чыноўніка з’явіліся толькі тады, калі ён стаў каардынарам рэгіянальнай ініцыятыўнай групы Віктара Бабарыкі.
Дудараў доўгі час працаваў у Магілёўскім гарвыканкаме, у 2018‑2019 быў намеснікам кіраўніка горада па будаўніцтве і жыллёва-камунальнай гаспадарцы.
У 2020‑м Дудараў, які на той момант ужо пакінуў дзяржаўную службу, далучыўся да каманды Віктара Бабарыкі. Гэта быў самы высокапастаўлены чыноўнік (хай і адстаўны) сярод каардынатараў банкіра.
У выніку Дудараву прыпомнілі яго старыя «грахі», пачынаючы з 2008 года. Следства даказвала, што ён дзесяць гадоў рабіў махінацыі з кватэрамі.
Былому чыноўніку прысудзілі 7,5 года зняволення. Ён адбываў пакаранне ў калоніі ў Бабруйску. За кошт таго, што прысуд фармальна быў непалітычным, Дудараў тэарэтычна мог трапляць пад амністыі, таму і выйшаў трохі раней за прызначаны тэрмін.
Цяпер чытаюць
Той самы масажыст расказаў, навошта здымаў голых кліентак21
Каментары