Два25-гадовыя дзецюкі прыйшлі да46-гадовага жыхара вёскі Сідаровічы Магілёўскага раёна па грашовую пазыку (мужчына меўся аддаць ім 200 тыс. рублёў). Калі ж ён адмовіўся вярнуць грошы, хлопцы аблілі яго бензінам і кінулі запалку. Мужчыну ахапіла полымя.
Хлопцы спалохаліся магчымых наступстваў, пабеглі ў дом па коўдру і збілі агонь.
Пасля гэтага яны забралі патрэбную суму і сышлі.Пацярпелы паклікаў на дапамогу суседзяў, тыя выклікалі хуткую і міліцыю.
Вымагальнікі затрыманыя. У дачыненні да іх Магілёўскім раённым аддзелам Следчага камітэта распачата крымінальная справа за прымус да выканання абавязацельстваў. Падазраваным можа пагражаць да дзесяці гадоў пазбаўлення волі.
Каментары