Так, падчас спэктакля «Джынс» у клюб уварвалася міліцыя і затрымала ўсіх прысутных.
Сталічны клюб «Сімпл», што знаходзіцца па вуліцы К. Лібкнэхта, пазбаўлены ліцэнзіі. Увагу міліцыі ён прыцягнуў пасьля таго, як пры канцы лютага тут прайшлі спэктаклі «Вольнага тэатра». Падчас спэктакля «Джынс» у клюб уварвалася міліцыя і затрымала ўсіх прысутных (каля 70 чалавек). Іх адвезьлі ў пастарунак, а потым адпусьцілі без складаньня пратаколаў. Пра гэта паведаміў арт‑дырэктар клюба Яраслаў Грышчэня.
Афіцыйная прычына закрыцьця — парушэнне заканадаўства. Раней таксама былі зачыненыя два клюбы, у якіх выступаў «Вольны тэатр»: NC і «Рэактар».
У наступныя выходныя Яраслаў Грышчэня абяцае правесьці на прыступках клюба панк‑канцэрт пад лёзунгам «Вярніце нам «Сімпл»!, Пакуль пытаньне ня будзе вырашана пазытыўна, ўдзельнікі зьбіраюцца заставацца на ганку.
Каментары