У ЗША арыштавалі стваральніка антыісламскага фільма «Цнатлівасць мусульман»
Выявілася, што Накула Басілі Накула раней быў судзімы за фінансавыя махінацыі.
У 2011 годзе яго вызвалілі датэрмінова, прычым адной з умоваў вызвалення была забарона на выкарыстанне псеўданімаў і інтэрнэту без дазволу наглядных органаў.
У бліжэйшы час суд у Каліфорніі разгледзіць справу Накулы і вырашыць, ці парушыў ён гэтыя ўмовы.
Амерыканская юстыцыя наўрад ці выставіць супраць Накулы абвінавачванні непасрэдна за фільм,бо яго бароніць права на свабоду слова, замацаванае ў амерыканскай канстытуцыі.
Трэшавы аматарскі фільм «Цнатлівасць мусульман» выстаўляе прарока Мухамеда бандытам, ашуканцам і распуснікам, а іслам — крывавай, крыважэрнай рэлігіяй.Ён выклікаў хвалю абурэння ў ісламскім свеце. У Лівіі і іншых краінах дэманстранты і тэрарысты зладзілі шэраг нападаў на амерыканскія дыппрадстаўніцтвы. У выніку дзясяткі чалавек загінулі. Тым не менш, амерыканская кампанія Google адмовілася выдаляць відэаролік з YouTube, бо гэта парушыла б права карыстальнікаў на свабоду меркавання.
Каментары