П’яны бабруйчанін «замініраваў» чыгуначны вакзал у Мінску
Гэта другі выпадак за апошнія чатыры дні.
Супрацоўнікам сталічнай транспартнай міліцыі давялося двойчы на працягу чатырох дзён ачапляць памяшканне аўтаматычных камер захоўвання чыгуначнага вакзала ў Мінску. Нагадаем, вечарам 11 кастрычніка пра тое, што там знаходзіцца сумка з выбухоўкай паведаміў п’яны мінчанін. Эвакуіраваць прыйшлося 25 чалавек.
15 кастрычніка пасажыры вакзала ніякіх нязручнасцей не адчулі — эвакуацыя не праводзілася, а рух цягнікоў не спыняўся. Матывам хуліганскай выхадкі стала алкагольнае ап’яненне аднаго з гасцей горада.
Так, у 12.50 у камеру захоўвання, размешчаную ў падземным узроўні чыгуначнага вакзала, прыйшоўПрыёмаздатчык патлумачыў яму, што ёсць працуючая свабодная каса. Аднак ён, замест таго каб здаць сваю сумку на захоўванне, кінуў яе на падлогу і заявіў, што там бомба. А пасля гэтага ўцёк.36-гадовы бабруйчанін, які знаходзіўся ў стане моцнага алкагольнага ап’янення. Ён пачаў абурацца тым, што працуюць не ўсе касавыя акенцы для аплаты паслуг.
На вакзал была неадкладна выклікана група размініравання. Ніякай бомбы ў сумцы жыхара Бабруйска не знайшлі. Затое па гарачых слядах знайшлі яго самаго — «мінёр» быў затрыманы супрацоўнікамі транспартнай міліцыі проста ў будынку вакзала і змешчаны ў ізалятар часовага ўтрымання.
Цяпер у дачыненні да затрыманага вырашаецца пытанне аб распачынанні справы па ч. 1 арт. 340 КК (загадзя непраўдзівае паведамленне пра небяспеку). Яму пагражае да 5 гадоў пазбаўлення волі.
Бабруйчанін за 8 месяцаў гэтага года 9 разоў прыцягваўся да адміністрацыйнай адказнасці па арт. 17.3 КоАП за знаходжанне ў грамадскіх месцах у нецвярозым стане.Як прызнаўся міліцыянерам сам затрыманы, на чыгуначным вакзале ён аказаўся транзітам — ехаў з Бабруйска ў Фаніпаль уладкоўвацца на працу. Свае дзеянні мужчына расцэньвае як дробнае хуліганства, учыненае пад дзеяннем алкаголю.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары