Продаж пладовых мацаваных вінаў у сталічных аб’ектах рознічнага гандлю будзе забаронены з 1 снежня. Аб гэтым сёння паведаміў журналістам намеснік старшыні Мінгарвыканкама Уладзімір Калтовіч.
Забарона будзе дзейнічаць да 1 лютага, затым можа быць прынята рашэнне пра яе працяг. Як заявіў Калтовіч, забарона заклікана спрыяць забеспячэнню здаровага ладу жыцця ў сталіцы і барацьбе з алкагалізацыяй насельніцтва. Паводле яго слоў, у Беларусі рэалізацыя спіртных напояў дасягае 12,3 літра на чалавека ў год, тады як бяспечным узроўнем лічыцца 8 літраў.
«Забарона на рэалізацыю пладовых мацаваных він, упэўнены, будзе станоўча ўспрыняты мінчанамі, гасцямі сталіцы, і мы, можа быць, паступова адвучым пэўную катэгорыю асоб ад гэтага напою і пяройдзем да лягчэйшых відаў прадукцыі», — сказаў намеснік старшыні гарвыканкама. Паводле яго слоў, у рознічнай гандлёвай сетцы, як і раней, можна будзе набыць натуральныя пладовыя віны без дабаўлення спіртоў тых жа вытворцаў, якія вырабляюць пладовыя мацаваныя віны. Натуральныя пладовыя віны наносяць меншую шкоду здароўю, яны меншага мацунку — 9 градусаў.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары71
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць2929
Каментары