У Беларусі ўводзіцца часовае патрабаванне для кіроўцаў — абавязкова ўключаць блізкае святло фараў у дзённы час. Гэтая мера звязана з прафілактычнай акцыяй ДАІ «Увага — дзеці!», якая праводзіцца напярэдадні летніх канікул.
Мэта акцыі — знізіць колькасць ДТЗ з удзелам дзяцей, бо ў гэты перыяд іх становіцца больш на вуліцах, асабліва каля дарог.
Акцыя будзе дзейнічаць па ўсёй краіне з 25 мая па 5 чэрвеня. На гэты час усе кіроўцы абавязаныя ездзіць з уключаным блізкім святлом фараў нават удзень.
У ДАІ тлумачаць, што ў летні перыяд дарожная сітуацыя становіцца больш напружанай, а дадатковая бачнасць аўтамабіляў дапамагае лепш заўважаць транспарт і зніжае рызыку аварый. Асаблівую ўвагу просяць надаваць участкам каля школ, дзіцячых устаноў, пешаходных пераходаў, прыпынкаў і двароў.
За парушэнне гэтага патрабавання прадугледжаны штраф — да 3 базавых велічынь.
Каментары