Пытанне аб амністыі разгледжана ў дачыненні да 14.019 асуджаных
Па стане на 2 лістапада 2012 года разгледжана пытанне прымянення амністыі ў дачыненні да 14.019 асуджаных (усяго падпадаюць пад амністыю 15.059 чалавек), якія ўтрымліваюцца ў месцах пазбаўлення волі. Пра гэта паведамілі ў МУС Беларусі.
Начальнікамі папраўчых устаноў закрытага тыпу вынесены пастановы аб вызваленні ад далейшага адбывання пакарання 2.630 асуджаных.
Прынята рашэнне аб скарачэнні тэрміну пакарання на адзін год у дачыненні да 5.256 асуджаных.
Адмоўлена ў прымяненні амністыі 6.133 асуджаным.
Апрача асоб, якія ўтрымліваюцца пад вартай, закон Рэспублікі Беларусь «Аб амністыі некаторых катэгорый асоб, якія ўчынілі злачынствы» ад 9 ліпеня 2012 года распаўсюджваецца на асуджаных, да якіх прыменена пакаранне, не звязанае з пазбаўленнем волі. З такой катэгорыі пад амністыю падпадаюць больш як 7,5 тысячы чалавек. Па стане на 1 лістапада 4.842 асуджаныя вызвалены ад далейшага адбывання пакарання, 1.957 тэрмін скарочаны на 1 год.
Закон утрымлівае пералік асоб, на якіх дзеянне амністыі не распаўсюджваецца. Сярод іншых асуджаныя, якія ўхіляюцца ад адбывання пакарання, аб’яўленыя ў вышук, злосныя парушальнікі рэжыму, якія не пагасілі ўрон, а таксама тыя, да каго на працягу 2005–2012 гадоў амністыя або памілаванне ўжо прымяняліся, але якія зноў учынілі наўмыснае злачынства ў перыяд нязнятай або непагашанай судзімасці.
Нагадаем, закон аб амністыі ўступіў у сілу 11 ліпеня. Ён павінен быць выкананы на працягу шасці месяцаў з дня афіцыйнага апублікавання.
Пры рэалізацыі закона з папраўчых устаноў закрытага тыпу меркавалася вызваліць прыкладна 2.180 зняволеных, з папраўчых устаноў адкрытага тыпу — каля 700.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары