Нітрыд‑тытанавае пакрыцьцё больш трывалае да дажджу, снегу, сонца і можа служыць ня менш, як паўстагоддзя.
Як нядаўна паведамлялі «Народныя навіны Віцебска», купал з нітрыд‑тытанавым пакрыццём, якое імітуе пазалоту, устанавілі на Свята‑Дабравешчанскай царкве, што знаходзіцца на набярэжнай Дзвіны на плошчы Тысячагоддзя. Убіраць у «золата» мясцовыя храмы апошнім часам у Віцебску стала модна. З такого ж матэрыялу зроблены адноўленыя купал і крыж Свята‑Георгіеўскай царквы, якая стаіць недалёка ад гатэля «Лучоса».
Нагадаем, што летась «золатам» заззялі таксама купалы Свята‑Уваскрасенскай царквы побач з гарадской ратушай. Нітрыд‑тытанавае пакрыццё больш трывалае да дажджу, снегу, сонца і можа служыць не менш, як паўстагоддзя.
А ў Свята‑Георгіеўскай царкве думаюць не толькі пра знешнюю прыгажосць. Як распавёў адзін з прыхаджан гэтага храма, тут плануюць пабудаваць праваслаўную кавярню (падобная ўстанова будзе ў Віцебску першай), а таксама сталовую, дзе будуць харчавацца старыя і малазабяспечаныя людзі. Калі, канечне, на гэтыя праекты будзе дазвол мясцовых уладаў.
Фота — Andrej Kuźniečyk
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая14
Каментары