Каляндар
У вянок Францiшку Вiславуху
Польскi пiсьменьнiк Францiшак Вiславух (24.09.1896 — 23.03.1978) нарадзiўся i доўгi час жыў у маёнтку Пырковiчы, што на Драгiчыншчыне. Памёр 20 гадоў таму, пахаваны ў Лёндане. Ягоныя творы «Opowiadania poleskie» (Londyn, 1968, Warszawa, 1994), «Echa Polesia» (Londyn, 1979), «Na sciezkach Polesia» (Londyn, 1976) — гэта своеасаблiвая малая энцыкляпэдыя Палесься 1930-х гадоў.
У Пырковiчах, у занядбаньнi, але шчэ захавалiся рэшткi маёнтку Вiславухаў — «палескага роду», як назваў сваю працу «новаадкрывальнiк» свайго выдатнага земляка, настаўнiк Пырковiцкай школы Я.Квачук. Хто хоча, можа дабрацца да гэтых мясьцiнаў — гэта чыгуначны прыпынак «станцыя Драгiчын».
Ад маёнтку ў Пырковiчах адстаяць вельмi мiлы палацык, царква i парк, выкананыя ў стылi позьняга клясыцызму (пачатак ХIХ ст.).
Побач з Пырковiчамi вёска Заказельле i радавы маёнтак Ажэшкаў з ампiрным палацам, паркам, нэагатычнай каплiцай (труны зь якой, як гэта звычайна рабiлася ў савецкiя часы, выкiнулi на двор) i вiнакурняй. Тут сама недалечка вёска Людвiнова, дзе жыла Элiза Ажэшка: тут у 1862 г. зьбiралася шляхта, змаўляючыся на паўстаньне, тут лячылi параненага Траўгута ў 1864 г. Захавалiся парк i сьляды сялiбы. Побач жа ў Папынай i Ляхавiчах — традыцыйныя берасьцейскiя драўляныя цэрквы, а ў Новай Папыне — драўляны касьцёл. Файны маршрут выходных дзён.
Заходнепалескае навукова-краязнаўчае таварыства «Загародзьдзе» правяло ў Берасьцi сэмiнар, прысьвечаны жыцьцю ды творчасьцi Вiславуха, з выездам у Пырковiчы. Аналягiчны сэмiнар адбыўся i ў Менскiм лiнгвiстычным унiвэрсытэце. Сэмiнары не ўдалося б правесьцi, калi б ня шчырая праца прафэсараў Аляхновiча (Берасьце) i Вярэнiча (Менск), анi без спрыяньня дырэктара Пырковiцкай школы Ю.Камiсарчука.
Фёдар Пракапчук
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна11
Каментары