Намінальная налічаная сярэднямесячная заработная плата работнікаў Беларусі ў студзені — красавіку гэтага года склала Br641 тыс
Намінальная налічаная сярэднямесячная заработная плата работнікаў Беларусі ў студзені — красавіку гэтага года склала Br641 тыс [299 даляраў]. Як паведамілі карэспандэнту БЕЛТА у Міністэрстве статыстыкі і аналізу рэспублікі, у красавіку сярэдняя зарплата склала Br662 тыс.[309 даляраў у эквіваленце]. Гэта на 0,4 працэнта больш (на Br2 тыс.), чым у сакавіку бягучага года.
Паводле даных статыстычнага ведамства, у Беларусі рэальная налічаная заработная плата (разлічаная з улікам росту спажывецкіх цэн на тавары і паслугі) у студзені — красавіку 2007 года ўзрасла на 10,2 працэнта ў параўнанні з аналагічным перыядам 2006 года. Рэальная зарплата ў красавіку у параўнанні з сакавіком гэтага года павялічылася на 0,6 працэнта.
У Міністэрстве статыстыкі і аналізу адзначылі, што ў красавіку бягучага года суадносіны намінальнай налічанай сярэдняй заработнай платы да мінімальнага спажывецкага бюджэту складалі 240,6 працэнта, да бюджэту пражытачнага мінімуму ў сярэднім на душу насельніцтва — 370,3 працэнта. У красавіку 2006 года гэтыя паказчыкі былі адпаведна 222,4 працэнта і 342,5 працэнта.
Мінімальны спажывецкі бюджэт аднаго члена сям’і з чатырох чалавек у красавіку 2007 года склаў Br275 тыс., бюджэт пражытачнага мінімуму ў сярэднім на душу насельніцтва — Br178,7 тыс.
Сярэдні памер пэнсіі складае 278,8 тыс. рублёў [130 даляраў]
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары