Кожны, хто пераяжджае мяжу, мусіць заплаціць 5000 рублёў экалягічнага збору.
Вельмі цікавае правіла — падатак за паветра. Праблемы пачаліся, калі мы даехалі да польскай мытні. Памежніца не пагрэбавала праверыць наяўнасьць 300 злотых, якіх мусіць мне «хапіць» на адзін дзень пражываньня ў Польшчы. У Баброўніках мяжа праходзіць па рацэ. Рыхтык на мосьце цераз раку знаходзіцца лінія, якая ўмоўна падзяляе Польшчу і Беларусь. Нам пашанцавала злапаць беларускую машыну на гэтым мосьце, каб нам фінансава дапамаглі «заехаць» у Польшчу, бо вяртацца ў Горадню па грошы было немэтазгодна. Палякі нас выправадзілі са сваёй тэрыторыі. Беларусы забаранілі знаходзіцца на мосьце з нашага боку. Таму мы стаялі рыхтык на той лініі, на якую ня могуць прэтэндаваць ні беларусы, ні палякі.
Праз 10 хвілін мы зноўку размаўлялі з той самай польскай памежніцай. Яна ўсьміхалася і казала, што на гэты раз мы маем вельмі шмат грошай, якіх нам безумоўна хопіць на пражываньне. Толькі пасьля гэтага нам удалося праехаць на «Басовішча».
Каб наведаць беларускі рок-фэстываль, выпадае цярпець усялякія непрыемнасьці. Расейская папса выступае ў Віцебску, а беларускія рокеры едуць у Польшчу, каб парадаваць сваіх суайчыньнікаў. Застаецца сказаць дзякуй «БАСу», які дазваляе пачуць нацыянальныя здабыткі хоць у Гарадку.
Андрусь Шпакаў, Горадня
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў11
Каментары