Стан лідэра ўкраінскае апазыцыі Віктара Юшчанкі, атручанага 9 верасьня, застаецца няпэўным.
Штаб кандыдата два тыдні хаваў інфармацыю пра ягонае здароўе, каб не зрываць выбарчай кампаніі, пакуль В.Юшчанка знаходзіўся ў шпіталі ў Вене. 18 верасьня прэтэндэнт на пасаду прэзыдэнта перарваў лячэньне, каб выступіць у Кіеве на 70-тысячным мітынгу, але трымаўся ён блага: тваравы нэрв застаецца паралізаваны, самаадчуваньне кепскае — як вынік крывацечных эрозій у страўніку, паражэньняў тоўстае кішкі і скуры.
Аўстрыйскія мэдыкі, якія апекаваліся лідэрам «Нашай Украіны», назвалі магчымую прычыну дзіўнае сымптаматыкі — атручваньне малой дозай рыцыну, рэчыва, якім у 1978 г. быў забіты адзін з баўгарскіх дысыдэнтаў. У «Нашай Украіне» кажуць, што ведаюць, «хто атруціў В.Юшчанку, дзе і калі», але канкрэтных імёнаў пакуль не называюць.
В.Юшчанка застаецца ўпэўненым лідэрам рэйтынгаў.
МБ
Цяпер чытаюць
«Лічу, што гэта мая місія». Беларускамоўны Павел з ДЦП выклікаў хвалю захаплення, зайздрасці і любові3
Каментары