Так, з 1 студзеня пачала дзейнічаць пастанова Савету міністраў №1579, якая ўводзіць мінімальную зарплату з 1 студзеня ў памеры 128 860 рублёў.
У рэчышчы захадаў па ўзмацненьні сацыяльных гарантый было зацьверджана й Палажэньне аб парадку ўвядзеньня зьніжак і надбавак да страхавых тарыфаў па абавязковым страхаваньні ад няшчасных выпадкаў на вытворчасьці й прафэсійных захворваньняў (пастанова Саўміну №1591). Спадарожнічае яму пастанова №1650 «Аб зацьвярджэньні на 2005 год памераў адлічэньняў у спэцыяльны страхавы рэзэрв і фонд папярэдніх (прэвэнтыўных) мерапрыемстваў па абавязковым страхаваньні ад няшчасных выпадкаў на вытворчасьці ды прафэсійных захворваньняў» (адлічвацца мусіць адпаведна 89% і 5%).
Для работнікаў дзяржаўных прадпрыемстваў павінны быць цікавымі навагоднія памеры пакрыцьця выдаткаў пры службовых камандзіроўках (з 1 студзеня сутачныя складаюць 10 000 руб., сутачныя пры аднадзённых службовых камандзіроўках і камандзіроўках у такую мясцовасьць, адкуль ёсьць мажлівасьць штодзённа вяртацца да месца пастаяннага жыхарства, — 5 000 руб., кампэнсацыя расходаў па найме жылога памяшканьня без прад’яўленьня пацьвярджальных дакумэнтаў — 3 000 руб.).
Пачынае дзейнічаць і — «Інструкцыя аб парадку выплаты грашовай кампэнсацыі сем’ям пры нараджэньні блізьнят». З 1 студзеня на 50% павялічваецца таксама памер аднаразовае дапапогі пры нараджэньні трэцяга й наступных дзяцей. Яна мае складаць блізу 408 000 руб.
Зь першага студзеня нарэшце набывае законную сілу распараджэньне Міністэрства інфармацыі аб павелічэньні ў радыёэтэры аб’ёму айчыннай музыкі да 75%. Пра апошняе было напісана летась так шмат і з розных бакоў, што няма сэнсу пакідаць нейкія адмысловыя камэнтары. Хочацца толькі выказаць спадзеў, што надалей гэтая безумоўна пазытыўная навэла ня будзе ўступаць у калізіі з нават не падзаконнымі, а проста-такі незаконнымі актамі, якія ўводзяць сьпісы «няправільных айчынных музыкаў». Не забудзься выключыць прас, беларусе!
Поўны варыянт артукулу чытайце ў папяровай і pdf-вэрсіі гаэты "Наша Ніва"
Уладзіслаў Белавусаў і Кірыл Касьцян
Аўтары агляду — аналітыкі інтэрнэт-часопісу юрыстаў і палітолягаў «Праўнік» (praunik.org).
Каб не плаціць падатак на сабак, мінчукі пачалі здаваць іх у пункты адлову25
Каментары