Усіх паборалі
На чэмпіянаце Эўропы па вольнай, грэка-рымскай і жаночай барацьбе, што прайшоў у баўгарскай Варне, беларусы заваявалі шэсьць мэдалёў — залаты, срэбраны і чатыры бронзавыя. «Золата» на рахунку Сяргея Арцюхіна (грэка-рымская, да 120 кг), «срэбра» — у Вольгі Хілько (да 63 кг), «бронза» — у Васілісы Марзалюк (да 72 кг), Юліі Раткевіч (да 59 кг), Марыі Ягоравай (да 55 кг) і Альбэрта Батырава (вольная барацьба, да 66 кг). Паводле пастановы Саўміну, памер узнагароджаньня за залаты мэдаль чэмпіянату кантыненту складае да 250 базавых велічынь (цяпер — 6 млн 375 тыс.), за сярэбраны — да 150 (3 млн 825 тыс.), за бронзавы — да 100 (2 млн 550 тыс.).
Хакей і немцы
14 і 16 красавіка зборная Беларусі ў рамках падрыхтоўкі да чэмпіянату сьвету па хакеі правяла два таварыскія матчы са зборнай Нямеччыны. У першым, што праходзіў у Менску, беларусы згулялі ўнічыю — 1:1, а вось у другім матчы, у Гомелі, саступілі зь лікам 1:4.
Без Салея
Абаронца «Анагайму» Руслан Салей ня возьме ўдзелу ў чэмпіянаце сьвету па хакеі. У найбліжэйшы час у Руслана і ягонай сяброўкі Бэты мае нарадзіцца дзіця, таму беларускі легіянэр папрасіў не выклікаць яго ў нацыянальную зборную. Фэдэрацыя хакея задаволіла просьбу.
Аўстралія далучыцца да Азіі
Футбольная канфэдэрацыя Акіяніі ня супраць пераходу Аўстраліі ў азіяцкую футбольную арганізацыю, якая раней пагадзілася прыняць пад сваю апеку аўстралійцаў. Спартовыя чыноўнікі зялёнага кантынэнту мяркуюць, што такім чынам у Аўстраліі болей шанцаў трапіць на чэмпіянат сьвету. Ад Азіі на мундыяль «жалезна» трапляюць дзьве каманды. А пераможца турніру Акіяніі мусіў яшчэ разыгрываць адзіную пуцёўку ў матчах плэй-оф з трэцяй камандай Азіі ці пятай камандай Паўднёвай Амэрыкі. Гэта робіць выхад на чэмпіянат сьвету амаль немагчымым.
АР
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары