Лабавое сутыкненне легкавіка і аўтобуса запісаў рэгістратар
Аварыя здарылася ў нядзелю ў Скідалі.
Аўтобус з 47 пасажырамі выехаў з аўтавакзала Скідаля і, праехаўшы развязку, выязджаў на аўтадарогу М6 у напрамку Мінска. Кіроўца легкавога аўтамабіля з'язджаў з аўтадарогі «Мінск-Гродна» ў накірунку Мастоў.
Паводле папярэдняй інфармацыі, ён няправільна выбраў хуткасць, у выніку страціў кіраванне, і машыну панесла на сустрэчную, паведамляе сайт ДАІ Гродна і Гродзенскай вобласці.
Удар быў настолькі моцным, што легкавік перастаў нагадваць аўтамабіль сваёй маркі.
Усе чацвёра з легкавіка атрымалі сур'ёзныя траўмы, двое з іх (кіроўца і дзяўчына, якая сядзела на заднім пасажырскім сядзенні) знаходзяцца ў рэанімацыі.
Вядома, што гаспадар «Опеля» прадаваў свой аўтамабіль, і за руль сеў будучы ўладальнік. Яны накіроўваліся ў Ваўкавыск здымаць аўтамабіль з уліку.
Пасажыры міжгародняга аўтобуса па медыцынскую дапамогу не звярталіся. У легкавым аўтамабілі з чатырох быў прышпілены толькі пасажыр, які знаходзіцца на пярэднім пасажырскім сядзенні.
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары