«Дзякуй, я не даю інтэрв’ю», — заявіў сам тэлевядучы, не выслухаўшы нават пытанне ад «Нашай Нівы».
У прэс-службе АНТ патлумачылі, што ў ролі вядучых «Контураў» будуць спрабаваць сябе 5—6 журналістаў. «У нас шмат маладых таленавітых вядучых. Убачыце практычна ўвесь наш калектыў», — сказалі там.
Такі кастынг — часовая з’ява. Але ці вернецца Аверкаў у «Контуры», пасля будзе вырашаць кіраўніцтва тэлеканала. Цяпер вядучага можна бачыць у выпусках навінаў.
Аляксандр Аверкаў апошні раз у «Контурах» з’явіўся 28 снежня. 4 студзеня праграму вёў ужо Яўген Лашкоўскі, 11 студзеня — Руслан Паддубскі.
Аверкаў нарадзіўся ў 1960 годзе ў Саратаўскай вобласці Расіі. Выпускнік тэатральнага вучылішча імя Шчэпкіна. Па размеркаванні апынуўся на Беларускім тэлебачанні. З 2002 года працуе на тэлеканале АНТ. У 2006 яго ўзнагародзілі медалём Францыска Скарыны, а ў 2010 ён атрымаў званне заслужанага дзеяча культуры. З 50-годдзем, між іншым, Аверкава павіншаваў асабіста Аляксандр Лукашэнка, за што яго называюць любімым вядучым кіраўніка дзяржавы.
Глядзіце таксама: Пяць фактаў пра Аляксандра Аверкава
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары