Як выглядаў Верхні горад Мінска пры Саветах і цяпер ФОТЫ
У фэйсбуку Цэнтра даследаванняў грамадзянскай супольнасці Беларусі з'явіліся фоты Уладзіміра Кармілкіна з Верхняга Горада ў красавіку 1991 года. У кадр фатографа трапіла вуліца Герцэна.
Цяпер на ёй змяшчаюцца гатэль, амбасада, кавярні, крамы і дарагія офісы.
А вось у якім стане гістарычныя будынкі і сама праезная частка вуліцы ў самым цэнтры сталіцы БССР былі 25 гадоў таму. Тратуара не было, слупы камунікацый драўляныя. А адселеныя будынкі стаялі напаўзруйнаваныя.
Маладзейшыя ўжо і не ўяўляюць сабе, як выглядала Беларусь зусім нядаўна, пры СССР.
Так з таго самага ракурсу вуліца выглядае цяпер.
Злева тады месцілася вайсковая камендатура. Цяпер там гатэль «Манастырскі», вакол забудовы якога зламалі столькі дзідаў.
Вуліца гэтая ў Менску — гэта адна з найстарэйшых, вядомая з XIV стагоддзя. Яна невялікая па працягласці, крыху больш за 150 м.
Цяпер Верхні Горад стаў адным з самых наведвальных месцаў у Мінску. На вуліцы Герцэна, сярод іншага, месціцца і адміністрацыя УП «Мiнская спадчына», якая займаецца рэканструкцыяй гістарычнага цэнтра.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары