Беларуская аплікацыя для сэлфі Fabby атрымала інвестыцый на суму $2 млн
Новы праект сузаснавальніка Maps.me Юрыя Мельнічака — мабільная аплікацыя Fabby, якая дазваляе мяняць фон сэлфі з дапамогай нейронавых сетак — атрымаў $2 млн інвестыцый у «пасяўным» раўндзе, лідарам якога выступіў фонд Юрыя Гурскага Haxus, паведамілі dev.by у інвесткампаніі.
Fabby плануе выкарыстаць атрыманыя сродкі для ўзмацнення тэхналогіі аўтаматычнага аддзялення аб'екты ад фону на фотаздымках і відэа.
Аснова Fabby — уласны фрэймворк для прайгравання нейронавых сетак на смартфоне.
«Адна нейроновая сетка ўмее адзначаць і абводзіць на фота людзей. Яшчэ некалькі нейронавых сетак трэніруюцца пад кожны даступны ў мабільнай аплікацыі стыль. Каб гладка ўпісваць сілуэт чалавека ў фоны, трэба дадаткова рашаць дыферэнцыяльныя ўраўненні — гэтыя вылічэнні таксама адбываюцца на самым тэлефоне», — распавядаў dev.by заснавальнік стартапа AIMATTER Юрый Мельнічак.
Тэхналогія прайгравання нейронавых сетак даступная ў Fabby ў двух варыянтах: больш павольны выконвае ўсю працу на CPU (цэнтральным працэсары) тэлефона, больш хуткі — на GPU (графічным працэсары). Хуткі варыянт пакуль даступны толькі на топавых тэлефонах: у апошніх iPhone і флагманскіх Android-дэвайсах.
Самая яўная неабходнасць у тэхналогіі, па словах яе стваральнікаў, — гэта калі трэба замяняць фон падчас відэаканферэнцыі, каб можна было выкарыстоўваць відэасувязь, напрыклад, з дому і «не саромецца, што там на заднім плане». У планах стартапа — апрацоўка 360-градусных фота і выкарыстанне «кастомных» фонаў, зададзеных карыстальнікам.
Праект стартаваў у жніўні 2016-га. Інвестыцыі (у тым ліку ад фонду Haxus) на стадыі запуску склалі больш за $500 тыс. Сёння распрацоўку вядзе каманда з 15 чалавек у двух офісах у Мінску і ў Цюрыху. У наступным месяцы Fabby абяцае Android-рэліз, удасканаленае распазнаванне аб'ектаў і апрацоўку відэа ў real-time. Глабальныя задачы — даць карыстальніку смартфона магчымасці працы з відэа «як у Галівуда» і пабудаваць у Беларусі вялікі даследчы цэнтр у сферы нейронавых сетак і штучнага інтэлекту.
22 снежня аплікацыя атрымала статус «Editor's choice» у App Store некалькіх краін, у тым ліку Расіі.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары