Грамадства1111

Сёння адкрываюцца новыя станцыі метро

Дадаюцца тры станцыі ў паўднёвым кірунку: «Аэрадромная», «Немаршанскі сад» і «Слуцкі гасцінец». Іх будавалі са жніўня 2017 года.

Новая схема метро ўжо вісіць у вагонах. Фота: тэлеграм-канал «Мінск і мінчанін»

Напярэдадні ў вагонах метро з’явіліся схемы з новымі станцыямі трэцяй лініі.

Таксама чатыры станцыі да плошчы Бангалор упершыню пазначаныя ў статусе станцый, якія будуюцца.

Будаўніцтва ўчастка трэцяй лініі Мінскага метрапалітэна ад станцыі «Аэрадромная» да станцыі «Слуцкі Гасцінец» працягласцю 4,08 км пачалося ў жніўні 2017 года. 

Гэты ўчастак метро злучыць хуткаснай транспартнай сувяззю з іншымі раёнамі горада жылы раён Курасоўшчына, а таксама раён «Мінск-Свет».

Пры гэтым у цэнтры горада будзе створаны транспартны трыкутнік з вяршынямі ў перасадачных вузлах на станцыях «Кастрычніцкая» — «Купалаўская», «Плошча Леніна» — «Вакзальная» і «Фрунзенская» — «Юбілейная Плошча», а пасажырская нагрузка паміж другой і трэцяй лініямі знізіцца, піша БелТА. 

На трэцяй лініі метрапалітэна прадугледжаны рашэнні новага тэхнічнага ўзроўню, высокая аўтаматызацыя працэсаў, інтэлектуальныя сістэмы кіравання рухам цягнікоў, аплаты праезду, пажарнай бяспекі, новыя сродкі перадачы і апрацоўкі даных аб рабоце ўсіх сістэм метрапалітэна.

Для бяспекі пасажыраў на платформах станцый пастаўлены адмысловыя агароджы.

Традыцыйна на станцыях зроблены розныя інтэр'еры. Напрыклад, на «Слуцкім Гасцінцы» канцэпцыя інтэр'еру аснована на гістарычных метафарах і цытатах. Некаторыя ўзоры слуцкіх паясоў у спрошчаным, стылізаваным выглядзе таксама знайшлі сваё адлюстраванне ў інтэр'еры.

Асноўная мастацкая ідэя інтэр'ера станцыі «Немаршанскі Сад», як і вынікае з назвы, — гэта выява саду. Нягледзячы на ​​тое, што прастора станцыі не звязана з навакольным асяроддзем, стаяла задача вобразамі дабіцца адчування настрою знаходжання ў садзе пад кронамі дрэў.

У сваю чаргу на станцыі «Аэрадромная» прысутнічае тэма палёту. Галоўны элемент інтэр'еру — квадратныя свяцільні на фоне алюмініевай падвеснай столі з люстраной паверхняй.

Генеральны план Мінска ўключае раздзел па развіцці транспартнай інфраструктуры, у тым ліку рэйкавых відаў гарадскога пасажырскага транспарту.

Схемай прадугледжаны 4 лініі мінскага метрапалітэна, адна з якіх радыяльна-кальцавая. Агульная працягласць трэцяй лініі складзе 16 км. Лінія злучыць паўднёвую і паўночную часткі Мінска з цэнтральнай часткай.

Плануецца, што чацвёртая лінія метрапалітэна будзе мець працягласць больш за 25 км і перасячэнні з іншымі трыма лініямі. Траса лініі будзе дубліраваць другое аўтатранспартнае гарадское кальцо.

Удзел у адкрыцці новых станцый возьме Аляксандр Лукашэнка.

Каментары11

  • Ганьба
    30.12.2024
    Ну хоць гэтак убачым лукашэнку пад зямлёй.
  • Вадзім
    30.12.2024
    Не магу сам праверыць, а з артыкула няясна - ліфты на платформу і на паверхню там ёсьць?
  • Чытач
    30.12.2024
    Апошні сказ лішні.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Слова «Унаватуна» значыць «рай». Дзе на Шры-Ланцы адпачывала Мельнікава14

Слова «Унаватуна» значыць «рай». Дзе на Шры-Ланцы адпачывала Мельнікава

Усе навіны →
Усе навіны

Ярмошына: Я 30 гадоў таму падумаць не магла, што мы будзем жыць так добра42

Экскурсаводаў і гідаў абавязалі ведаць асновы ідэалогіі, якія зацвердзіў Лукашэнка7

У ДТЗ у Чавускім раёне загінулі тры чалавекі

На Камароўцы ў Мінску пачалі прадаваць першую маладую беларускую бульбу7

Брытанец, які адсядзеў 38 гадоў у турме за забойства, выйшаў на волю: ён аказаўся невінаватым1

На Канскім фестывалі забаранілі «голыя» сукенкі2

Кобрынскі блогер паказаў, як вырабляюцца легендарныя «Мясныя падушачкі»9

У беларуса, што некалькі дзён таму з пагоняй затрымлівалі ў цэнтры Варшавы, знайшлі кілаграмы наркотыкаў9

«Эканамічная газета» спыніла існаванне3

больш чытаных навін
больш лайканых навін

Слова «Унаватуна» значыць «рай». Дзе на Шры-Ланцы адпачывала Мельнікава14

Слова «Унаватуна» значыць «рай». Дзе на Шры-Ланцы адпачывала Мельнікава

Галоўнае
Усе навіны →

Заўвага:

 

 

 

 

Закрыць Паведаміць