Улада5050

Расійскі палітык Бабурын правёў у Гродне другі сход свайго руху за аб'яднанне Беларусі і Расіі

У Беларусі адбыўся чарговы сход незарэгістраванага аб'яднання «Грамадзянская ініцыятыва «Саюз». Пра гэта паведаміў шэраг чарнасоценскіх рэсурсаў.

Рухам кіруе расійскі палітык Сяргей Бабурын, які ў 2014-м «за асабісты ўнёсак» атрымаў ад Уладзіміра Пуціна медаль у гонар далучэння Крыма да Расіі. 

Сяргей Бабурын.

Цяпер ён пачаў праяўляць інтарэс і да Беларусі, заснаваўшы рух, які ставіць галоўнай мэтай аб'яднанне Беларусі і Расіі. У яго ўвайшлі прарасійскія дзеячы, падтрымалі ўсё гэта і асобныя святары Беларускага экзархату РПЦ. 

Чытайце: Арганізатар «Рускіх маршаў» стварыў у Беларусі палітычны рух: яго падтрымалі праваслаўная царква і «Румол»

Другі сход арганізацыі адбыўся ў Гродне. 

«Нашы імкненні зразумелыя і шчырыя. Мы хочам судзейнічаць далейшаму ўмацаванню Саюзнай дзяржавы Расіі і Беларусі. Захад прадпрымае тытанічныя намаганні па расколу ўсходніх славян, нацкоўванне іх адзін на аднаго. Захаду выгадна паслабленне славянства і разбурэнне праваслаўных асноў нашай агульнай прасторы», — цытуюць Бабурына ягоныя сайты. 

«Наш рух мае намер зрабіць унёсак у спыненне задумаў Захаду. Мы заклікаем людзей стаць адзіным фронтам супраць разбуральных планаў ЗША і іх еўрапейскіх саюзнікаў», — сказаў ён. 

Больш дэталяў не паведамляецца, спіс удзельнікаў «Саюз» таксама не афішуе. Але вядома, што, апроч Бабурына, прысутнічалі і іншыя грамадзяне Расіі. Напрыклад, праваслаўны актывіст Кірыл Фралоў, вядомы заклікамі пісаць у спецслужбы на тых, хто негатыўна адгукаецца пра праваслаўных епіскапаў або Уладзіміра Пуціна. 

Адметна, што гэтым разам сход «Саюза» наўпрост вырашыў заявіць пра сваё існаванне ўладам, адправіўшы Аляксандр Лукашэнку ліст з прапановай зрабіць 17 верасня дзяржаўным святам у Беларусі. Нагода — аб'яднанне Заходняй і Усходняй Беларусі ў 1939 годзе.

Бабурын (справа) з айцом Уладзімірам, настаяцелем храма святога Міхаіла, які будуецца ў Віцебску

Цікава таксама, што Бабурына запрасілі на гутарку ў студыю «Спутніка», — пракрамлёўскага агенцтва, якое мае прадстаўніцтва ў Беларусі.

Вядучы — адзін з кіраўнікоў «Песняроў» Вячаслаў Шарапаў — распытваў Бабурына пра ягоны «Саюз». 

«Чаму Саюзная дзяржава ніяк не запрацуе?» — цікавіўся Шарапаў. 

«З’явілася нацыянальная буржуазія ў Беларусі і Расіі, яны не могуць састыкаваць свае інтарэсы і баяцца згубіць ад таго, што ўзнікне рэальная саюзная дзяржава…», — тлумачыў Бабурын. 

Але вядучы натхнёна перабіваў яго словы: «Такое вось паўнавартаснае ўтварэнне са сцягам, з гімнам, з вобразам будучыні….». 

«Дзе будзе адзіная мытня, адзіная пагранічная служба, падатковая сістэма…», — развіваў фантазіі Бабурын. 

У гэтай жа гутарцы ён заявіў, што пакуль што не збіраецца рэгістраваць свой рух афіцыйна. 

Варта нагадаць, што за «дзейнасць ад імя незарэгістраванай арганізацыі» у свой час пацярпелі многія дэмакратычныя рухі.

Каментары50

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Трамп паведаміў, што ў панядзелак будзе гаварыць з Пуціным15

Трамп паведаміў, што ў панядзелак будзе гаварыць з Пуціным

Усе навіны →
Усе навіны

У Новай Баравой будзе новы модны квартал ФОТЫ

«Прыходзілі людзі з ссабойкамі». Беларусы размялі ўсю ежу з безлімітнага рэстарана ў першы дзень адкрыцця18

На аўкцыёне прадалі карціну Шагала амаль за 3,5 мільёна даляраў

Сталі вядомыя ўсе ўльтыматыўныя патрабаванні Расіі на перамовах у Стамбуле11

Хадзі Матара, які некалькі разоў ударыў нажом пісьменніка Салмана Рушдзі, асудзілі на 25 гадоў

«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду24

«Калі вы зможаце пакінуць Швейцарыю?» — «Ніколі». Сталі вядомыя новыя факты пра апошні перыяд жыцця Магдалены Радзівіл5

У Швецыі знайшлі мёртвым дыпламата, якога раней арыштавалі па падазрэнні ў шпіянажы

Туск пасля размовы з Трампам: Нас чакаюць вельмі цяжкія дні3

больш чытаных навін
больш лайканых навін

Трамп паведаміў, што ў панядзелак будзе гаварыць з Пуціным15

Трамп паведаміў, што ў панядзелак будзе гаварыць з Пуціным

Галоўнае
Усе навіны →

Заўвага:

 

 

 

 

Закрыць Паведаміць