Нерухомасць3939

Былы кіраўнік АНТ Кісель здае катэдж у Драздах за $6500 на месяц. Як вам інтэр’еры? ШМАТ ФОТА

Былы кіраўнік канала АНТ Рыгор Кісель здае ў арэнду свой катэдж у Драздах. Адпаведная аб’ява з’явілася на сайтах з каталогамі нерухомасці.

За арэнду дома на вуліцы Рачной просяць $6500 на месяц. Дакладная лакацыя дома не пазначана, але ідэнтыфікаваць гаспадара нескладана. На сцяне ў адным з пакояў можна заўважыць партрэт Кісяля. У іншым вісіць шарж на Кісяля і іншых прапагандыстаў з дзяржаўнага тэлебачання — Юрыя Казіятку, Аляксандра Зімоўскага.

Гаспадар дома адмовіўся каментаваць сітуацыю. «А з чаго вы ўзялі, што я нешта здаю? — удакладніў Кісель і працягнуў: — Гэта маё прыватнае жыццё, а дэталі прыватнага жыцця я не каментую».

Экс-кіраўнік АНТ атрымаў надзел у Драздах у сярэдзіне 2000-ых. Як і ўсім іншым прадстаўнікам лукашэнкаўскай наменклатуры, элітная зямля дасталася яму задарма альбо амаль задарма.

Яго суседзі па баках — Віктар Шэйман і святар Фёдар Поўны

Рыгор Кісель — унікальны жыхар Драздоў, бо змог нейкім чынам пабудаваць на сваіх 15 сотках ажно два катэджы. Адным валодае ён, другім — дачка Алена. Незразумела, які з іх здаецца ў арэнду.

«На першым паверсе размешчаны гасціная, сталовая, кухня, спальня з санвузлом, гасціны пакой, санвузел, у якім ўсталяваная душавая кабіна з лазняй, кабінет, трэнажорная зала, пральня. На другім паверсе размешчаны тры пакоі, прасторная спальня з панарамным акном, санвузел, гардэробны. У доме зроблены сучасны рамонт з якасных будаўнічых матэрыялаў. Дом цалкам укамплектаваны ўсёй неабходнай мэбляй і бытавой тэхнікай, у кожным пакоі ўсталяваны кандыцыянер. Разумная планіроўка дома дазваляе адчуваць сябе камфортна ў любы час года. Аўтаномнае ацяпленне. Для паркоўкі аўто ёсць гараж і месца на ўчастку. На прыдамавой тэрыторыі выкананы ландшафтны дызайн, усталяваная прасторная альтанка, створаная дэкаратыўная сажалка», — гаворыцца ў абвестцы.

Рыгор Кісель

Нарадзіўся ў 1955 у вёсцы Здудзічы Светлагорскага раёна. Скончыў журфак БДУ (1979). Працаваў у газеце «Магілёўская праўда» (1979—1987), у Магілёўскім абкаме КПБ (1987—1990), рэдактарам газеты «Магілёўскія ведамасці» (1990—1994). Старшыня Белтэлерадыёкампаніі (1994—2000), пасол у Румыніі (2000—2002), старшыня праўлення АНТ (2002—2017). Удавец, мае двух дзяцей.

Каментары39

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Усе навіны →
Усе навіны

У Гомельскай вобласці ствараецца новая дэсантная брыгада3

Лукашэнка расказаў, як ён перажываў за Трампа8

Лукашэнка заявіў, што ў беспілотніку, які ўпаў у Мінску, было 59 кг выбухоўкі10

Лукашэнка вучыў Зяленскага: «Я хачу сустрэцца з Пуціным» — ну што ты крычыш пра гэта?»14

«Спала і прачнулася на абломках унізе». Гісторыя дзяўчыны, якая падчас атакі Расіі на Кіеў выпала з 9-га паверха і выжыла

Белы дом пераўтвараецца ў казачны палац: Трамп будуе бальную залу за 200 мільёнаў даляраў7

Джасцін Цімберлэйк расказаў, што мае хваробу Лайма, якую пераносяць кляшчы. Боль ён трываў два гады на сцэне5

Пачалася сустрэча Лукашэнкі і Пуціна5

Як выглядае беспілотнік, які сёння знайшлі ў Літве ФОТА3

больш чытаных навін
больш лайканых навін

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Галоўнае
Усе навіны →

Заўвага:

 

 

 

 

Закрыць Паведаміць