Здарэнні1818

Хуліган, які збіў мінчука з ЛГБТ-кампаніі, расказаў, чаму так атрымалася

У ноч на 25 жніўня на Кастрычніцкай вуліцы ў Мінску невядомы жорстка збіў рэжысёра дакументальнага кіно Мікалая Купрыча. Па словах пацярпелага, невядомы падышоў да яго і спытаў: «Ты таксама під*р?» Пасля нядоўгага дыялогу і станоўчага адказу Купрыча юнак ударыў яго ў галаву.

Купрыч трапіў у бальніцу з чэрапна-мазгавой траўмай і зламаным носам. Яго сябры выклікалі міліцыю, але хуліган ужо сышоў.

Купрыч пасля збіцця

Цікава, што праз некалькі тыдняў сябры Купрыча зноў сустрэлі нападніка на Кастрычніцкай. Тады ім удалося затрымаць хлопца і перадаць праваахоўнікам.

ЛГБТ-актывіст Андрэй Завалей расказваў, як адбылося затрыманне:

«Яму паведамілі, што ён затрыманы па падазрэнні ў здзяйсненні злачынства. Спачатку хлопец нібыта пагадзіўся прайсці разам з супрацоўнікамі міліцыі, але потым зрабіў рэзкі рывок і паспрабаваў збегчы. Не ведаю, што ва мне ўключылася, як у запаволеных здымках: сфакусаваўся, згрупаваўся і выскачыў яму напярэймы. Міліцыянты падбеглі, сказалі «дзякуй» і надзелі на яго кайданкі.

Падазраванага ў нападзе завуць Іван Гуляй. Яму днямі спаўняецца 20 гадоў.

Іван Гуляй. Фота 2016 года

Ён жыве ў Прылуках. Скончыў там мясцовую школу, пасля вучыцца далей не стаў. Сябры кажуць, што Іван працуе «недзе ў Мінску на заводзе».

Сам Іван тлумачыць, што пасля школы ён пайшоў у ліцэй. «Але ў канцы трэцяга курсу быў адлічаны, бо ў ходзе навучання з'явіўся скаліёз, а з ім, на жаль, працаваць па прафесіі нельга», — паведаміў «Нашай Ніве» хлопец.

Жыве Іван разам з бацькамі ў Прылуках. Але адпачывае ў Мінску. Прычым часам выкладвае відэа сваіх прыгод у сеціва.

Акаунты ў сацсетках у Івана закрытыя, усе пад фэйкавымі імёнамі і без актуальных фота. Праўда, карыстаецца імі хлопец актыўна. Напрыклад, выклаў сторыз у інстаграм з аддзялення міліцыі, пасля таго, як яго затрымалі.

«Наша Ніва» звязалася з Іванам, ён спачатку адмовіўся ад каментароў: «Следчы сказаў нічога не разгалошваць». Але пасля коратка патлумачыў свае дзеянні.

«На допыце тыя хлопцы сказалі адно, а ў навінах фігуруе зусім іншая інфармацыя.

Скажу толькі адно, калі б пасля майго пытання «під*ры яны ці не» яны сказалі проста «так ці не», нічога б не было. Мэты першапачаткова біць іх у мяне не было, падышоў проста даведацца, ці пацвердзяцца мае здагадкі. А адзін з хлопцаў вырашыў «дасціпна» пажартаваць, паклікаўшы мяне ў гей-клуб», — распавёў Іван. Маўляў, гэта і стала прычынай бойкі.

«Наша Ніва» звязалася з бацькамі хлопца, але яны не захацелі каментаваць паводзіны сына.

Каментары18

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Усе навіны →
Усе навіны

Расійскія ІТ-асацыяцыі просяць Пуціна абараніць «Лесту» ад нацыяналізацыі

На мяжы Беларусі і Украіны праходзіць найбуйнейшы абмен палоннымі ў фармаце 1000х10007

«Мы ўсе рускія». Дэпутат Дзяржаўнай думы заявіў, што мэта вайны — стварыць адзіную дзяржаву Расіі, Беларусі і Украіны25

На пажары ў Камянецкім раёне загінулі двое дзяцей

У Расіі мама папрасіла знаёмага ўтапіць сваю 12-гадовую дачку, бо тая кепска сябе паводзіла1

«Мы ўсе гасударавы людзі». Каранік на развітанне заявіў пра сваю вернападданасць14

Схемы, па якіх дзейнічае ГБ. Выйшла расследаванне пра піцерскіх сексотаў ФСБ

Памёр 19-гадовы мінскі міліцыянер16

«Шмону ўжо няма»: як цяпер правяраюць беларусаў на мяжы з Літвой

больш чытаных навін
больш лайканых навін

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Галоўнае
Усе навіны →

Заўвага:

 

 

 

 

Закрыць Паведаміць