23 верасня дома ў галоўнага рэдактара «Нашай Нівы» Ягора Марціновіча прайшоў ператрус. Пасля гэтага яго забралі на допыт у Цэнтральны апарат Следчага камітэта. Пасля допыту яго змясцілі ў ІЧУ на Акрэсціна.
Ягор Марціновіч — падазраваны па крымінальнай справе за паклёп (артыкул 188 КК). Справа заведзеная, імаверна, праз апублікаваны на сайце «Нашай Нівы» матэрыял, у якім дыджэй Улад Сакалоўскі сцвярджае, што ў карцары на Акрэсціна яго біў чалавек, падобны да намесніка міністра ўнутраных спраў Барсукова. Барсукоў па справе праходзіць пацярпелым.
Сакалоўскі цяпер — у Літве. Ён заявіў, што з’ехаў з краіны пасля таго, як яму пагражалі пасля таго інтэрв'ю.
Юрыст Сяргей Зікрацкі лічыць, што падставы для справы за паклёп тут няма.
«Па-першае, за паклёп наогул нельга судзіць. Міжнародныя прынцыпы свабоды выказвання меркавання і дзейнасці медыя зыходзяць з таго, што адказнасць за паклёп можа быць толькі грамадзянска-прававая.
Калі былі распаўсюджаныя выказванні, якія ганяць рэпутацыю, то на медыя або журналіста можа быць накладзены штраф. Але журналіст не можа быць прыцягнуты да крымінальнай адказнасці. Тым не менш, у некаторых краінах яшчэ засталася крымінальная адказнасць за паклёп. Таму — па-другое.
Па-другое, артыкул 188 Крымінальнага кодэкса Рэспублікі Беларусь прадугледжвае, што адказнасць за паклёп надыходзіць толькі пры наяўнасці прамога намеру. Гэта азначае, што асоба ведае, што звесткі недакладныя, і тым не менш іх распаўсюджвае.
Журналіст, які атрымлівае інфармацыю ад сваіх крыніц, не можа дакладна ведаць, кажа крыніца праўду ці не. У гэтай сувязі ў журналіста ў абсалютнай большасці выпадкаў не можа быць прамога намеру на распаўсюд ілжывых выказванняў.
Упэўнены, што справа ў дачыненні да Ягора Марціновіча павінна быць неадкладна спыненая».
Ягор Марціновіч — чалавек рэдкай смеласці, выключнага прафесіяналізму і ўзорнай сумленнасці. Менавіта таму ён у 30 гадоў узначаліў «Нашу Ніву» і за пару гадоў вывеў выданне на новы ўзровень.
Гэтая справа выключна важная яшчэ і таму, што яна датычыць тэмы катаванняў, расследавання якіх патрабуюць многія былыя вязні.
Калі вы хочаце дапамагчы працы «Нашай Ніве» ў гэты няпросты перыяд, вы можаце зрабіць ахвяраванне або аформіць падпіску на яе.
Як падтрымаць «Нашу Ніву» пасля затрымання яе галоўнага рэдактара
Тут у тэлеграме мы тлумачым, як кожны гэта можа зрабіць простым спосабам.
Lettera scripta manent. Напісанае застанецца.
Арыштаванага рэдактара «НН» Ягора Марціновіча выклікаюць у суд па адміністратыўнай справе
-
Пералічыце 1,5% падаходнага на беларускую справу. Інакш дзяржава скарыстае тыя грошы сама
-
5+ спосабаў падтрымаць і падзякаваць «Нашай Ніве» — некаторыя з іх не будуць каштаваць вам ні капейкі
-
Калі вы ў Літве, то можаце за хвіліну падтрымаць «Нашу Ніву» падаходным падаткам, не патраціўшы сваіх грошай. Вось як
Цяпер чытаюць
Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22
Каментары