У пачатку года ў Віцебскай вобласці зацвердзілі спіс аб’ектаў, якія падлягаюць спісанню і зносу. Сярод разбураных цялятнікаў, клубаў і гаражоў аказалася сядзіба Цюндзявіцкіх, пабудаваная ў вёсцы Галошава Талачынскага раёна.
Сядзіба калісьці належала выхадцам са шляхетнага роду. Міхаіл Цюндзявіцкі — паплечнік Кастуся Каліноўскага. Удзельнічаў у паўстанні, а ў 1863 годзе быў расстраляны ў цэнтры Мінска. Маёнтак пасля яго смерці пабудавалі сваякі.
У доме размяшчалася сталовая, бібліятэка, кабінеты і спальні, захоўвалася калекцыя партрэтаў і антыкварных вырабаў з фарфору і срэбра.
Гаспадары з’ехалі адсюль у 1917 годзе ў Польшчу. Сядзібу забралі пад школу. У часы Вялікай Айчыннай вайны ў ёй размясціўся нямецкі гарнізон.
Апошнія дзесяцігоддзі дом быў закінуты і дайшоў да сумнага стану. Фарба аблупілася, абваліліся калоны на ўваходзе.
У Талачынскім райвыканкаме тлумачаць, што сядзіба трапіла ў спіс пад знос, бо была ў аварыйным стане.
«Заходзіць туды небяспечна. Усе драўляныя перакрыцці паміж паверхамі рухнулі. Правалілася столь, і за ёй частка даху. Мы забілі ўсе вокны, дзверы, каб туды ніхто не хадзіў — усё адно адрывалі дошкі, лазілі, нешта шукалі. Але пакуль зносіць дом ніхто не збіраецца, хоць ён і стаіць у плане на 2023 год», — кажа Алена Валевіч, начальніца аддзела ідэалагічнай працы Талачынскага райвыканкама, на балансе якога і знаходзіцца пабудова.
Калі там апошні раз быў рамонт, невядома. Ахоўнага статусу маёнтак не мае.
«Ніхто не хоча яго купляць, — уздыхае чыноўніца. — Выстаўлялі на продаж яшчэ да майго прыходу ў 2018-м. Спрабавалі знайсці нашчадкаў у Польшчы. Наколькі ведаю, у сваяка не было сродкаў для аднаўлення сядзібы. Я буду самым шчаслівым чалавекам у гэтым свеце, калі гэты будынак нехта купіць».
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»7
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары