Агурбаш: Артысты, якія не паедуць на «Славянскі базар», аўтаматычна пераходзяць на бок святла
Спявачка Анжаліка Агурбаш пракаментавала busel.online адмову артыстаў ад удзелу ў «Славянскім базары» ў Віцебску.
«Адны артысты маюць разуменне, сумленне і годнасць, а іншыя не. У сітуацыі, якая адбываецца цяпер у Беларусі, а менавіта заканадаўчы дэфолт, абсалютнае беззаконне, штодня калечацца лёсы людзей, кожны вырашае сам. … Цяпер усё набыло не такія фарбы, як нам хацелася б. Кажуць, што музыка і творчасць па-за палітыкай. Вядома, творчасць павінна быць па-за палітыкай, але тут справа ідзе ўжо не пра палітыку, а пра агрэсію, скіраваную ў бок свайго народа, і пра рэпрэсіі. Таму гэта зусім іншая гісторыя.
…Мы творчыя людзі — галубы міру, мы павінны несці правільную энергію, правільнае святло, і мы павінны быць заўсёды на баку справядлівасці, дабрыні і міру, што б ні адбывалася. Я лічу, што тыя артысты, якія не паедуць на «Славянскі базар», аўтаматычна пераходзяць на бок святла. Я нікога не асуджаю, кожны сам выбірае для сябе творчы шлях, — адзначыла Анжаліка Агурбаш.
— У мяне баліць кожная клетка за кожнага, хто пацярпеў у рэпрэсіўнай машыне. Цалкам верагодна, што людзі, якія не адчуваюць болю беларускага народа, беларускіх людзей, якія трапілі ў найцяжэйшы стан, можа, не бачаць у гэтым нічога асаблівага. Але я лічу, што любы разважны чалавек, любы дарослы чалавек, які можа думаць і адчуваць, не дадумаецца ехаць».
На думку спявачкі, у сітуацыі, якая склалася ў краіне, казаць пра канцэрты — поўны абсурд: «Цяпер у Беларусі адна задача — спыніць рэпрэсіі… Цяпер не да песень і не да «Славянскага базару». Як пра гэта можна гаварыць і разважаць? У нас кожны дзень калечацца лёсы і здароўе людзей».
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары