Ціктокер, які прасіў прабачэння ў КДБ, атрымаў штраф і папярэджанне ад пракуратуры
18-гадовы цікток-блогер Аляксандр Ф. вядомы кранальным ролікам, дзе ён са слязамі на вачах прасіў прабачэння ў КДБ. Цяпер стала вядома, што пракуратура аштрафавала хлопца і вынесла яму папярэджанне за распаўсюд экстрэмісцкіх матэрыялаў.
Праўда, сам блогер кажа, што гэта адбылося недзе з месяц таму, яшчэ да публікацыі пра яго.
«Раней не казаў, бо не хацеў распаўсюду такога кшталту інфармацыі. Хацеў ціха пагасіць штраф і забыцца», — патлумачыў Аляксандр «Нашай Ніве».
Штраф далі па сённяшніх мерках невялікі — 15 базавых велічынь. Цяпер хлопец збірае грошы на яго пагашэнне.
Акрамя таго, блогера выклікалі ў пракуратуру, дзе яму абвясцілі афіцыйнае папярэджанне і патлумачылі адміністрацыйныя і крымінальна-прававыя наступствы выкарыстання і распаўсюджвання экстрэмісцкіх матэрыялаў.
Чытайце таксама: «Мяне ніхто не прымушаў». Ціктокер з Брэста выбачаецца перад КДБ са слязьмі на вачах — што гэта было?
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары