У Свіслачы ў раёне Нямігі масляністая пляма, ратавальнікі паставілі бонавыя загародкі
Мінскія ратавальнікі паставілі на Свіслачы бонавыя загародкі з-за з'яўлення ў рацэ масляністай плямы, паведаміла сталічнае МНС.

Фота МНС.
Пляма на Свіслачы была выяўлена каля маста праз раку ў раёне Нямігі.
На месца здарэння накіраваліся ратавальнікі і супрацоўнікі УП «Гаррамліўнесцёк». Спецыялісты правялі візуальнае абследаванне акваторыі ўздоўж берагавой лініі Свіслачы, мору рыбы выяўлена не было.
У месцы плямы ратавальнікі паставілі бонавыя загародкі, праз гэта расцяканне яе лакалізавана. Адкуль узялася пляма, пакуль што не паведамляюць.
Каментары