Жыхара Свіслачы асудзілі на 2 гады калоніі за напад на сілавіка
У Свіслачы мужчыну асудзілі на два гады пазбаўлення волі за гвалт у дачыненні да супрацоўніка міліцыі — ён двойчы ўдарыў міліцыянера нагой, паведамляе прэс-служба Гродзенскага абласнога суда.
Акрамя таго, мужчыну абвінавацілі яшчэ па двух артыкулах: за пагрозу забойствам (арт. 186 КК) і нанясенне цялесных пашкоджанняў (арт. 153 КК).
Як устанавіў суд, мужчына пасварыўся з былой жонкай, ударыў яе вядром, а потым, з нажом і сякерай у руках, пагражаў ёй забойствам.
Калі праз некалькі дзён да яго прыйшлі міліцыянты, ён сустрэў іх з нажом і металічным прутом, пагражаючы ударам. Ужо ў службовай машыне ён двойчы ўдарыў аднаго з супрацоўнікаў нагой.
У выніку ён атрымаў:
- за гвалтоўныя дзеянні ў дачыненні да міліцыянера — 2 гады калоніі;
- за пагрозу забойствам — 1 год калоніі;
- за цялесныя пашкоджанні — 3 месяцы арышту.
Агульны тэрмін пакарання склаў 2 гады пазбаўлення волі ў калоніі агульнага рэжыму.
Акрамя таго, суд абавязаў мужчыну выплаціць 5000 рублёў маральнай шкоды пацярпелым.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары