«Шмат людзей хварэе, не паспяваюць фізічна». У камісіях расказалі, чаму не вывешваюць спісы чальцоў
Нагадаем, па плане, зацверджаным ЦВК, участковыя камісіі фармуюцца да 6 лютага. Вядома, што па ўсёй Беларусі іх 5510, у Мінску — 692. Раней склад гэтых камісій публікавалі на сайтах адміністрацый раёнаў. А сёлета спісаў няма.
Чытачка «Нашай Нівы» пацікавілася, калі яна зможа азнаёміцца са спісамі ў сваім раёне. Жанчына патэлефанавала ў Мінскую гарадскую камісію па рэферэндуме, і вось што ёй адказалі: «Убачыць спісы складу камісій можна будзе 11 лютага на ўчастках».
«З-за таго, што шмат людзей хварэе, не паспяваюць фізічна. Мусіць, так. Прыходзьце пасля абеду. Будзе размешчаная інфармацыя», — адказалі ў камісіі Савецкага раёна.
Для параўнання чытачка пазваніла ў камісію Ленінскага раёна Мінска:
«Самі камісіі сфармаваныя. Па складзе яшчэ інфармацыі няма. Вядома, яны будуць. Рашэнне прымаецца адміністрацыяй», — адказалі там.
А вось у ЦВК патлумачыць, калі будуць спісы са складам участковых камісій, не змаглі.
«Вам неабходна з’вяртацца ў адміністрацыю Савецкага раёна. Ну, не размяшчалі такую інфармацыю. На гэты момант у нас на сайце няма, можа быць, у адміністрацыі пацікаўцеся. Складана сказаць, ці будуць спісы бліжэй да 27», — адказалі на гарачай лініі Цэнтральнай выбарчай камісіі.
Чытайце яшчэ:
Улады вырашылі не публікаваць спіс тых, хто будзе лічыць галасы на рэферэндуме?
«Набліжаныя адчуваюць любоў не да канкрэтнай асобы, а да пасады». Прафесар псіхалогіі Уладзімір Янчук аб цяперашнім стане ўлады і грамадства
Вы не паверыце, кім аказаўся «выпадковы» баяніст на вакзале, які спяваў пра Лукашэнку14
Каментары