За апошнія паўгода колькасць замежнікаў, якія легальна пражываюць у Літве, скарацілася больш чым на 3 тысячы чалавек. Паводле звестак Дэпартамента міграцыі, на 1 студзеня ў Літве пражывала амаль 218 тысяч замежнікаў. Яны складаюць больш за 7,5 працэнта ад агульнай колькасці насельніцтва краіны, піша Delfi.lt.
«На 1 студзеня ў краіне пражывала 217 988 замежнікаў. Паўгода таму, 1 ліпеня, у Літве такіх асоб было 221 285. Тройка найбуйнейшых замежных супольнасцяў не змянілася: больш за ўсё ў Літве пражывае ўкраінцаў — 77 080, беларусаў — 57 511, расіян — 14 978», — паведамляе дэпартамент.
Адметна, што за апошнія паўгода таксама скарацілася колькасць выдадзеных і замененых замежным грамадзянам часовых дазволаў на жыхарства.
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары