«ЗАГС быў супраць, але мы даказалі». Жыхары Мінска далі дзіцяці імя, якое палічылі трайным
Яўген расказаў Onliner.by, што нарадзіўся ў Магілёве, пасля заканчэння школы з’ехаў на ПМЖ у Ізраіль, дзе і пазнаёміўся са сваёй будучай жонкай Малкай.
Два гады таму сям’я вырашыла пераехаць у Беларусь. 11 кастрычніка 2024 года ў Яўгена і Малкі нарадзілася трэцяе дзіця — дзяўчынка, якой далі імя Мір’ям Хая-Мушка.
— Спачатку ў ЗАГСе нават не хацелі рэгістраваць, спасылаючыся на тое, што паводле заканадаўства імя можа быць максімум падвойным, а тут яно трайное. Але мы даказалі, што Хая-Мушка — гэта адно імя, якое пішацца праз злучок. Я прынёс даведку з Цэнтра даследавання беларускай культуры, мовы і літаратуры пра тое, што імя не супярэчыць заканадаўству і сапраўды існуе. Пасля гэтага імя зарэгістравалі.
Выбар незвычайнага для беларусаў імя Яўген патлумачыў так:
— Паколькі мы габрэі, хацелася даць хасідскае імя з нашай традыцыі. Хая азначае «жыццёвая», а Мушка — гэта зусім не насякомае, а водар, які ёсць у храме ў Ерусаліме. Мір’ям — біблейскае імя, сястра Маісея. Яно азначае «горкая вада з мора». Імя з’явілася ў той момант, калі габрэі знаходзіліся ў рабстве ў Егіпце.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары
Дзяцей ужо абзываюць як жадаюць.
Карыстаюцца тым, што нованароджаныя яшчэ не могуць даць у адказ па зубах. Няхай улада дасць.