Каханне і сэкс77

Сэкс як дыета

Пра бялковую ці садавінавую дыету вы, вядома, чулі, а што наконт сэкс-дыеты?

Першыя асацыяцыі, звязаныя са словам «дыета», — негатыўныя: змены ладу жыцця, шматлікія абмежаванні, цяжкія абавязальніцтвы перад самім сабою, гаротны перыяд жыцця. Дык чаму не спалучыць прыемнае з карысным?

1. Сэкс — гэта фізічны чын.
Фізічныя практыкаванні забяспечваюць нам здаровае жыццё, мы ведаем гэта. Але мы заўсёды знаходзім адчэпку, каб унікнуць зарадкі. У нас няма часу, у нас няма змогі, нам гэта не ў кайф і г.д. Нашая прапанова — займіцеся сэксам. Для абдымкаў таксама патрэбная энергія. І яна нашым арганізмам выдаткуецца: падчас імпэтнага сэксу можна спаліць ажно 200 калорыяў.

Цыклічнасць любошчаў таксама мае значэнне — любошчы фактычна ператвараюцца ў заняткі аэробікай (т.б. з удзелам кіслароду). Але ёсць адно «але»: ГЭТЫМ трэба бавіцца не менш за 3 разы на тыдзень, інакш не будзе належнага эфекту.

Нямецкія навукоўцы з Цэнтра здаровага ладу жыцця ў Рэйдэльбергу зрабілі выснову, што самая энергавыдаткоўная поза — стоячы. Гэтак спальваецца максімальная колькасць калорыяў: актыўней працуюць сцёгны і ягадзіцы. За два тыдні «трэніровак» пары, што бралі ўдзел у эксперыменце нямецкіх навукоўцаў, схуднелі на тры-пяць кілаграмаў кожны. Як заўсёды: нязручна, але карысна.

Акрамя гэтага, любошчы павышаюць цягавітасць сэрца і нават могуць зменшыць рызыку сардэчных захворванняў. Сувязь паміж любошчамі і даўгалеццем даследавалася шматкроць: даўно даведзеная наўпроставая сувязь паміж колькасцю аргазмаў і колькасцю пражытых гадоў. Але мы крыху адышлі ад нашай тэмы…

2. Сэкс можа наладзіць ваша правільнае харчаванне.
Сёння вечарам вы настроены пачуццёва, хочацца дотыкаў, пешчаў… Самы час аднавіць з мінулага досведу, што сэкс на надзіманы поўны страўнік — невялікае што. Таму замест шкоднага не толькі для вашага полавага жыцця, але і для фігуры вечаровага дэсерту — гайда ў ложак.

3. Жаданне сэксу можа дапамагчы даць рады атлусценню.
Каб вы ведалі: атлусценне можа спрычыніцца да сухасці ў похве, страты здольнасці сягнуць полавага аргазму, а таксама да боляў і запаленняў у мачавых каналах. Гэта ў жанчын. У мужчын жа збыткоўныя кілаграмы сяды-тады прыводзяць да страты эрэкцыі. Атлусценне прымяншае жаданне менавіта займацца сэксам. Таму варта вызначыцца: жадаеце якасных любошчаў — старайцеся не тлусцець.

Дарэчы, нервовыя цэнтры ежы і полавага поцягу знаходзяцца ў тым самым месцы ў мозгу. Патрэба ў ежы і патрэба ў фізічным кантакце настолькі блізкія, што часам мы іх блытаем. Прыгадайце, колькі разоў вы казалі ў пасцелі: «Мне хочацца цябе з’есці», «Саладзенькі ты мой». І колькі разоў мы адчувалі, беручы якісьці ласунак, што ежа — неблагая замена любошчам. Вось жа, незадаволенасць сэксам часта прыводзіць да пераядання. Адпаведна, калі сэксуальнае жыццё вядзецца спраўным шляхам, патрэба ў перакусе дзеля падвышэння настрою знікае.

4. Сэкс балансуе вашу патрэбу ў лёгкіх перакусонах.
Заняцца сэксам — гэта як паесці шакаладу, бо падвышаецца ўзровень сератаніну ў крыві. Акрамя спалення калорыяў адным прысядам сэкс збалансуе вашу патрэбу ў ласунках і вугляводах. Дык кахаймася!

Каментары7

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык7

«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык

Усе навіны →
Усе навіны

Хэдлайнерам апошняга званка ў Мінску стаў няўдалы ўдзельнік «Дома-2». Хто такі Алег Маямі?3

У Падмаскоўі ўзарваўся аўтобус, які перавозіў дзяцей у школу2

Сіноптыкі папярэдзілі пра замаразкі ў ноч на нядзелю

У Беларусі ўжо тры гады прадаюць былы кляштар за адну базавую

Лукашэнка расказаў, які цуд у Беларусі робяць з гаўна10

«За 30 хвілін — 30 еўра»: айцішнік са стажам 25 гадоў навучыўся класці плітку, пакуль шукае працу5

Аднакурснік пра каханка Мельнікавай: Лабееў яшчэ ва ўніверсітэце часам выкарыстоўваў псеўданім «Гардзееў»3

У Брытаніі знялі з продажу модныя лялькі-монстры Лабубу — праз іх здараліся бойкі паміж пакупнікамі1

У Мінску перасабралі Ракаўскае прадмесце. Там ужо гуляюць, фатаграфуюцца і ядуць20

больш чытаных навін
больш лайканых навін

«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык7

«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык

Галоўнае
Усе навіны →

Заўвага:

 

 

 

 

Закрыць Паведаміць