Bałans pa nafcie na bližejšym pasiadžeńni sajuznaha Savieta ministraŭ, jakoje płanujecca pravieści 12 śniežnia ŭ Maskvie, padpisany nie budzie.Pra heta paviedamiŭ žurnalistam dziaržsakratar Sajuznaj dziaržavy Biełarusi i Rasii Ryhor Rapota 10 śniežnia na bryfinhu ŭ Minsku. «Bałans pa nafcie pakul nie hatovy, ale heta pytańnie budzie abmiarkoŭvacca», — skazaŭ jon.
Rasija i Biełaruś dahetul nie ŭzhadnili abjomy pastavak nafty i viartańnia vypracavanych ź jaje na biełaruskich NPZ naftapraduktaŭ.Raniej paviedamlałasia, što abmiarkoŭvajecca pastaŭka ŭ Biełaruś u 2013 hodzie 18,5 miljona ton nafty, a viartańnie naftapraduktaŭ u RF pavinien skłaści 2,1 miljona ton.
Pradstaŭniki Biełarusi zajavili, što ŭ žniŭni ekspart rastvaralnikaŭ i razbavicielaŭ byŭ spynieny. Pavodle nieaficyjnaj infarmacyi, padčas pieramoŭ ab umovach pastaŭki nafty ŭ čaćviortym kvartale 2012 hoda i ŭ 2013 hodzie pradstaŭniki RF prapanavali Biełarusi kampiensavać rasijskamu biudžetu straty ad «rastvaralnaha» biźniesu, jakija aceńvajucca ŭ 1,5 miljarda dołaraŭ.Pry hetym rasijskija čynoŭniki vykazvali zaniepakojenaść tym, što Biełaruś ekspartuje naftapradukty pad vyhladam razbavicielaŭ i rastvaralnikaŭ, kab adyści ad upłaty ekspartnych pošlin u biudžet Rasii.
Rapota paviedamiŭ, što na pasiadžeńni sajuznaha Saŭmina, jakoje projdzie 12 śniežnia ŭ Maskvie, buduć razhledžanyja 33 pytańni.
«Pakolki pasiadžeńnie Saŭmina prachodzić u kancy hoda, my zadumvajemsia, jak pracavali, nad čym skancentravać uvahu ŭ nastupnym, vyznačycca z pryjarytetami», — skazaŭ sajuzny čynoŭnik.
Kamientary