Pradajecca na aŭkcyjonie
Biełaviežskaja pušča na starych paštoŭkach i hraviurach + fota
Staražytny biełaviežski les zdaŭna cikaviŭ ludziej.
Malunki i zdymki ź jaho vyjavami azdablali staryja knihi i paštoŭki. Pasprabujem prahledzieć tolki tuju drabnicu, jakaja na siońnia pradajecca na polskim aŭkcyjonie allegro.pl.
Bolšaść paštovak, źviazanych ź Biełaviežskaj puščaj, nie majuć pryviazki da miesca i tolki adlustroŭvajuć krajavidy, miascovaje nasielnictva ci žyviołaŭ na momant zdymkaŭ.U mižvajenny čas polskija dziaržaŭnyja i niedziaržaŭnyja drukarni i arhanizacyi sprabavali papularyzavać Pušču roznymi srodkami.
Tak, «Puščanskija braty», Tavarystva vučniaŭ dziaržaŭnaj škoły dla laśničych Biełaviežy vydała šerah paštovak, na jakich było pradstaŭleny krajavidy Biełaviežy. A voś simvał Puščy — zubry — pradstaŭleny na polskich paštoŭkach nie tak i časta. Padčas Pieršaj suśvietnaj vajny hetyja žyvioły byli całkam vyniščany. Sproby adnavić papulacyju raspačalisia polskimi ŭładami tolki ŭ 1929 hodzie.
Zubra čaściej možna pabačyć na bolš staražytnych hraviurach XIX st, bo sučaśniki mahli jašče sustreć aŭtachtonaŭ lesu i zamalavać.Taksama, dziakujučy tym malunkam, my možam pabačyć abrazki z vyjavami tahačasnych puščanskich žycharoŭ. Paštoŭki možna nabyć na polskim aŭkcyjonie prykładna za 10 jeŭra (bieź pierasyłu).
Hraviury kaštujuć daražej za paštoŭki — ad 30 da 60 jeŭra.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary