Alaksandr Łukašenka padpisaŭ ukaz, jaki ŭnios źmieny ŭ paradak finansavańnia raschodaŭ pa hazifikacyi žyłych damoŭ hramadzian. Dziaržava prosta admoviłasia ŭ hetym udzielničać.
Tak, rašeńniem prezidenta ŭniesienyja źmieny va Ukaz № 368 ad 2 červienia 2006 «Ab mierach pa rehulavańni adnosin pry hazifikacyi pryrodnym hazam ekspłuatavanaha žyllovaha fondu hramadzian».
Zhodna z hetym dakumientam raniej prajektavańnie i budaŭnictva hazapravodaŭ ekspłuatavanaha žyllovaha fondu ažyćciaŭlałasia ź dźviuch krynic. Da 2% vydatkaŭ pakryvałasia sa srodkaŭ inavacyjnaha fondu, stvoranaha Ministerstvam enierhietyki, a astatniaje — sa srodkaŭ hramadzian, jakim naležać na pravach ułasnaści žyłyja pamiaškańni.
Ciapier ža dziaržava nie budzie pakryvać navat toj mizer vydatkaŭ, jakija pakryvała raniej. Zhodna sa źmienami va ŭkazie, usie vydatki pa prajektavańni, urezcy ŭ hazapravod i prakładcy hazavych kamunikacyj unutry doma buduć nieści vyklučna ŭładalniki nieruchomaści.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary