Mihiel de Rejes pryjechaŭ u Minsk ź ispanskaha horada Hranada. Jamu 27 hadoŭ. Skončyŭ univiersitet pa śpiecyjalnaści «pierakładčyk francuzskaj» i mahistraturu pa piedahohicy.
— Da taho jak pryjechaŭ u Biełaruś, ja pracavaŭ nastaŭnikam u dziaržaŭnaj škole ŭ Hranadzie. U mianie byŭ kantrakt na hod. 23 hadziny ŭ tydzień vykładaŭ francuzskuju, jašče hadzinu traciŭ na sustreču ź inšymi nastaŭnikami francuzskaj movy.Na takich sustrečach, jak praviła, abmiarkoŭvajuć prablemy ŭ vykładańni i jak ich vyrašać. My nie pišam kožny dzień płany, jak nastaŭniki ŭ Biełarusi. Adzin vialiki płan raz u hod składaje staršy nastaŭnik. My tolki abmiarkoŭvajem, ci treba jaho mianiać. Taksama raz u
— Da kanca hoda moj zarobak pamienšyŭsia na 10%. Tak ja zrazumieŭ, što kantrakt sa mnoj padaŭžać nie buduć.Usie ludzi, jakija pracujuć u ispanskim dziaržaŭnym siektary, viedajuć: kali zarpłata pamianšajecca, značyć, chutka zvolniać. Asabliva kali ty małady supracoŭnik. Tak usiudy. U balnicach, u haradskoj meryi… Štohod zvalniajuć pa 10, 20, 30 čałaviek…
— Viedajučy, što straču pracu, padumaŭ, što možna rabić dalej. Znajšoŭ prajekt jeŭrapiejskaj vałanciorskaj słužby ŭ Biełarusi i ŭ kastryčniku minułaha hoda pryjechaŭ siudy.Tut ja dapamahaju pracavać ź dziećmi ŭ centry paślaškolnaj adukacyi «Ravieśnik», vykładaju ispanskuju maładym ludziam na vałanciorskich pačatkach. U znajomych biełarusaŭ cikaŭlusia, dzie b ja tut moh pracavać nastaŭnikam ispanskaj. Jany rajać pryvatnyja škoły. Ja ŭžo skłaŭ śpis hetych škoł. Bližej da vosieni budu tam šukać pracu. Kali znajdu, to zastanusia ŭ vas. Kali niama, to pajedu šukać pracu ŭ Hiermaniju ci Rasiju. Ale nie ŭ Ispaniju.
— Ja čuŭ, što ŭ vas nastaŭnik zarablaje 200 jeŭra. Ale taksama čuŭ, što mahu zarablać i 400 jeŭra. Kali ŭ mianie budzie takaja zarpłata, to ja zastanusia.Razumieju, što vialikuju častku hrošaj budu vydatkoŭvać na arendu kvatery. Ale ja ž nie budu tut žyć viečna. Dva, try, čatyry hady… Kali ŭ Ispanii niama pracy, lepš pracavać za miažoj. Tamu što pakul ty biespracoŭny, hublaješ navyki, a potym užo nikomu nie patrebny.
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary