Dvoje ź ich — u reanimacyi. Takija źviestki padaje kiraŭnictva Čelabinskaj vobłaści.
Tak supała, što častka abłomkaŭ mietearyta vybuchnuła nad miljonnym horadam Čelabinskam. Ludziej paraniła askiepkami škła, vybitaha vybuchovaj chvalaj, a taksama pry padzieńniaŭ ścienaŭ i kanstrukcyj. Usiaho paciarpieła kala 3000 damoŭ.
Na miescy mierkavanaha padzieńnia adnaho z abłomkaŭ utvaryłasia 6-mietrovaja varonka.
Siarod inšaha, razbureńni adbylisia na Čelabinskim cynkavym, Čelabinskim trubaprakatnym zavodach.
Najbolšaja kolkaść paranienych prypadaje na harady Čelabinsk, Kapiejsk, Jemanželinsk, Jetkul, Korkina, Južnaŭralsk. Dvoje paranienych u Kapiejsku źmieščany ŭ reanimacyju.
Pavodle acenak Čelabinskaha hieohrafa Juryja Zacharava, siła vybuchu mahła skłaści ad 0,1 da 10 kiłaton (zaležyć ad vyšyni, na jakoj jon adbyŭsia, nakont hetaha niama pakul dakładnych acenak). Dla paraŭnańnia: atamnaja bomba ŭ Nahasaki mieła mahutnaść 21 kiłatonu.
Kamientary