U Rasii chočuć zrabić dla ŭsich hramadzian elektronnuju poštu, pryviazanuju da chatnich adrasoŭ
«Pošta Rasii» paprasiła 31,1 młrd rubloŭ (kala miljarda dalaraŭ) ź fiederalnaha biudžetu na stvareńnie dziaržaŭnaj elektronnaj pošty dla ŭzajemadziejańnia hramadzian z čynoŭnikami.
Pra heta ŭ numary ad 21 lutaha piša hazieta «Viedamaści» sa spasyłkaj na prajekt prahramy «Raźvićcio fiederalnaj paštovaj suviazi» na 20130–2015 hh. Pavodle dadzienych vydańnia, dakumient byŭ nakiravany ŭ Ministerstva finansaŭ u pačatku lutaha. «Pošta Rasii» płanuje stvaryć sistemu elektronnaj pošty za try hady. Sistema pavinnaja zabiaśpiečvać pracu 100 młn karystalnikaŭ i być niedastupnaj nie bolš za piać chvilin na hod. Dla hetaha miarkujecca stvaryć try datacentry, adlehłaść pamiž jakimi budzie nie mienšaj za 100 kiłamietraŭ.
Ideju stvaryć dziaržaŭnuju elektronnuju poštu vykazaŭ u 2009 hodzie tahačasny ministr suviazi Ihar Ščohaleŭ. Miarkujecca, što hramadzianie atrymajuć aficyjnyja elektronnyja adrasy. Aficyjnaja elektronnaja pošta budzie słužyć dla pierapiski z pryvatnymi asobami i arhanizacyjami i dla pierasyłki i razdrukoŭvańnia jurydyčna značnych dakumientaŭ.
Stvareńnie adzinaj paštovaj elektronnaj sistemy praduhledžanaje taksama prajektam zakona «Ab paštovaj suviazi», jaki ciapier razhladajecca va ŭradzie. U kastryčniku ŭ Minkamsuviazi zajaŭlali, što aficyjnaja elektronnaja pošta budzie pryviazanaja da fizičnaha chatniaha adrasa hramadzianina. U pačatku śniežnia ŭ Dziarždumie byŭ padrychtavany zakonaprajekt, jaki abaviazvaje čynoŭnikaŭ adkazvać na elektronnyja listy hramadzian ciaham 30 dzion.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary