Biełaruskaja čyhunka ŭ režymie testavaj ekspłuatacyi ŭkaraniaje pasłuhu elektronnaj rehistracyi pry kupli biletaŭ praź internet na bolšaść mižnarodnych ciahnikoŭ, jakija kursirujuć u znosinach z Rasijaj.
Pavodle infarmacyi pres-centra BČ, z 5 sakavika z vykarystańniem pasłuhi elektronnaj rehistracyi, jakaja dazvalaje nie afarmlać prajaznyja dakumienty ŭ biletnaj kasie, na sajcie Biełaruskaj čyhunki www.rw.by možna budzie nabyć bilety na 16 par ciahnikoŭ.
Heta ciahniki: № 2/1 Minsk — Maskva, № 4/3 Minsk — Maskva, № 8/7 Brest — Maskva, № 12/11 Minsk — Maskva, № 18/17 Nica — Maskva (pryčepnyja vahony Brest — Maskva), № 24/23 Paryž — Maskva pryčepnyja vahony Brest — Maskva), № 36/35 Brest — Sankt-Pieciarburh, № 39/40 Połack — Maskva, № 52/51 Minsk — Sankt-Pieciarburh, № 56/55 Homiel — Mahiloŭ — Maskva (uklučajučy pryčepnyja hrupy vahonaŭ Salihorsk — Maskva), № 78/77 Hrodna — Maskva, № 114/113 Brest — Novasibirsk (za vyklučeńniem bieśpierasadačnaha vahona Brest — Surhut), № 510/509 Brest — Maskva, № 516/515 Brest — Maskva, № 538/537 Brest — Maskva, № 552/551 Brest — Maskva.
Nieabchodna adznačyć, što bilety na hetyja ciahniki, nabytyja z pasłuhaj elektronnaj rehistracyi, nielha pieraaformić (naprykład, źmianić numar ciahnika). Jany taksama nie padlahajuć viartańniu ŭ tym vypadku, kali da adpraŭleńnia ciahnika zastałosia mienš čym hadzina. Akramia taho, pasadka pasažyraŭ na nazvanyja mižnarodnyja ciahniki z elektronnaj rehistracyjaj budzie ažyćciaŭlacca tolki pry pradjaŭleńni dakumienta, jaki śviedčyć asobu, ukazanaha pry praviadzieńni elektronnaj rehistracyi.
U cełym elektronnaja rehistracyja na mižnarodnyja ciahniki i admova na jaje vykonvajucca ŭ adpaviednaści z praviłami i technałohijami raboty vieb-sistem, zaćvierdžanych čyhunkami Biełarusi i Rasii. Tamu pierad nabyćciom prajaznych dakumientaŭ praź internet BČ rekamienduje pasažyram uvažliva vyvučyć praviły i asablivaści afarmleńnia zakaza.
Nahadajem,
z 5 lutaha hetaha hoda biełaruskaja mahistral pašyryła prymianieńnie pasłuhi elektronnaj rehistracyi dla prajezdu na ŭsich ciahnikach, što kursirujuć u miežach terytoryi Biełarusi.
Kamientary