Biełarusy atrymlivajuć žyroŭki paśla studzieńskich marazoŭ. Kolki za aciapleńnie?
Žychary šmatkvaternych damoŭ pačali atrymlivać kvitancyi ab apłacie kamunałki za studzień. Asablivuju cikavaść va ŭsich vyklikaje hrafa «aciapleńnie», na jakoje hetaj zimoj idzie značna bolš enierhii z-za maroznaha nadvorja. Office Life praanalizavaŭ žyroŭki z roznych damoŭ Minska i paraŭnaŭ sumy ŭ ich z bolš ciopłym śniežniem 2025 hoda.
Dla pačatku pahladzim na staryja chruščoŭki. Naprykład, kamunalnyja płaciažy ŭ dvuchpakajovaj kvatery płoščaj 45,8 kv. m u domie 1960‑ch hadoŭ pabudovy na vuł. Daŭhabrodskaj (paśla kapramontu, ale biez «šuby») u śniežni byli 68,75 rubla (aciapleńnie kaštavała 16,45 rubla). U studzieni vynikovaja suma vyrasła da 78,49 rubla (aciapleńnie — 26,15 rubla). Žyroŭka «paciažeła» ŭsiaho na 9,74 rubla.
Kala 10 rubloŭ dadała kamunałka i ŭ adnušcy (33,9 kv. m) u rajonie parku Čaluskincaŭ: aciapleńnie ŭ śniežni tam kaštavała 15,34 rubla, u studzieni — 25,2 rubla. Vynikovaja ž suma ŭ žyroŭcy zaraz składaje 72 rubli.
Kvatery ŭ panelkach akazałasia abahreć składaniej. Tak, kamunałka ŭ trošcy płoščaj 70 kv. m u panelnym domie na vuł. Anharskaj u śniežni abychodziłasia ŭ 113,31 rubla (aciapleńnie — 36,25 rubla), a ŭ studzieni ŭžo 153,38 rubla (z hetaj sumy aciapleńnie skłała 66,99 rubla).
Sama žyroŭka, jak bačym, dadała adrazu 40 rubloŭ.
Žychary sučasnaj dvuški płoščaj 54,1 kv. m u panelnym domie 2019 hoda pabudovy na vuł. Alešava za śniežań zapłacili 104,34 rubla (aciapleńnie — 25,63 rubla), a za studzień — 120,05 rubla (aciapleńnie — 41,25 rubla). Heta značyć, kamunałka abyšłasia na 15,71 rubla daražej. Darečy, na batarejach u hetaj kvatery stajać rehulatary ciapła i ličylniki, ale haspadary ź ich pakazčyki nie zdymali, a płacili pa siarednim.
Mienš za ŭsio pašancavała tym, chto płacić za pasłuhi ŽKH pa tak zvanych poŭnych taryfach.
Naprykład, uładalnik trochpakajoŭki płoščaj 70,79 kv. m u panelcy 1970‑ch na vuł. Asanalijeva ŭ śniežni zapłaciŭ za kamunałku 280,16 rubla (aciapleńnie — 199,43 rubla), u studzieni — užo 371,43 rubla (aciapleńnie — 301,36 rubla).
U vyniku studzień akazaŭsia daražejšym za śniežań bolš čym na 90 rubloŭ!
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom1
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary