Pačobutu zabaranili ŭdzielničać u akcyi, pra jakuju jon ničoha nie viedaje
Aficyjnaje piśmovaje papiaredžańnie pra toje, što jamu zabaroniena naviedvać «niesankcyjanavanuju akcyju, jakaja projdzie ŭ Hrodnie 11 sakavika 2013 hoda», žurnalist atrymaŭ 4 sakavika.
Sam Andrej Pačobut pra niesankcyjanavanuju akcyju ŭ hety dzień ničoha nie viedaje, aficer milicyi, jaki ŭručaŭ papiaredžańnie, taksama nie zmoh patłumačyć, pra jakoje mierapryjemstva viadziecca havorka.
U Hrodzienskaj inśpiekcyi pa vykanańni pakarańniaŭ Pačobuta papiaredzili, što ŭ vypadku parušeńnia zabarony jamu, jak asobie, što adbyvaje pakarańnie ŭ vyhladzie pazbaŭleńnia voli z adterminoŭkaj vykanańnia, pahražaje turma.
Padobnaje papiaredžańnie žurnalist atrymlivaŭ napiaredadni hadaviny prezidenckich vybaraŭ 19 śniežnia, a napiaredadni akcyi niepryznanaha ŭładami Sajuza palakaŭ na Biełarusi 1 červienia 2012 hoda, Pačobuta previentyŭna zatrymali.
Kamientary