Mižnarodnaja Fiederacyja za pravy čałavieka i jaje členskaja arhanizacyja — zakryty biełaruskimi ŭładami pravaabarončy centr «Viasna» — vykazali «hłybokaje abureńnie masavymi i sistematyčnymi aktami nacisku i represij, jakija źviedvajuć jak palityčnyja źniavolenyja, tak i ludzi, abmiežavanyja ŭ svabodzie pa palityčnych pryčynach».
«Niahledziačy na toje što 14 lutaha 2013 hoda namieśnik hienprakurora Biełarusi Alaksiej Stuk zajaviŭ na
«11 čałaviek, što znachodziacca ŭ niavoli pa palityčnych matyvach, uvieś čas padviarhajucca pakarańniam, jakija rezka paharšajuć i biez taho nialohkija režymy ich utrymańnia, abmiažoŭvajuć ich srodki da isnavańnia, jakaść charčavańnia i miedycynskaj dapamohi, — adznačajecca ŭ relizie.— Pazbaŭleńnie spatkańniaŭ sa svajakami, abmiežavańnie karespandencyi i pastajanny nacisk z metaj atrymańnia prašeńnia ab pamiłavańni dapaŭniajuć fizičnyja vyprabavańni psichałahičnymi i nabližajuć umovy ŭtrymańnia da žorstkaha abychodžańnia, jakoje źnievažaje čałaviečuju hodnaść, što zabaroniena art. 7 i 10 Mižnarodnaha pakta ab hramadzianskich i palityčnych pravach i art. 16 Kanviencyi suprać katavańniaŭ i inšych žorstkich, biesčałaviečnych vidaŭ abychodžańnia i pakarańnia, jakija źnievažajuć hodnaść». Pry hetym abmiežavany dostup da advakataŭ, kali čaściej za ŭsio sustrečy adbyvajucca ŭ prysutnaści kanvoju, «nie dazvalaje biaśpiečna pieradavać infarmacyju pra ŭsie ŭciski».
MFPČ i «Viasna» taksama źviartajuć uvahu, što «svaboda šerahu hramadzian Biełarusi, jakija nie znachodziacca ŭ miescach źniavoleńnia, ciapier surjozna abmiežavana z pryčyny ich asudžeńnia ci pieraśledu pa palityčna matyvavanych kryminalnych spravach».«Heta datyčycca na momant publikacyi saraka čałaviek», — adznačajecca ŭ paviedamleńni.
U dačynieńni da 25 pamiłavanych i vyzvalenych daterminova palitźniavolenych paśla vychadu na volu ŭ 2011–2012 hadach «nie była pahašana sudzimaść», što pazbaŭlaje ich mnohich hramadzianskich i palityčnych pravoŭ, u tym liku prava bałatavacca na vybarach ci zajmać pasadu dziaržaŭnaha słužboŭca.
MFPČ i «Viasna» pieradali analityčnuju zapisku, jakaja «nahladna demanstruje sistematyčnyja represiŭnyja dziejańni ŭ dačynieńni da asob, što adbyvajuć i jakija ŭžo adbyli pakarańnie za svaju palityčnuju ci pravaabarončuju dziejnaść», śpiecyjalnamu dakładčyku pa Biełarusi pry Saviecie pa pravach čałavieka AAN, jeŭrakamisaru pa pytańniach pašyreńnia i palityki dobrasusiedstva Štefanu Fiule, adpaviednym tematyčnym instancyjam AAN, ABSIE i inšym mižnarodnym miechanizmam pa abaronie pravoŭ čałavieka.
«Sabranyja materyjały biassprečna dakazvajuć, što režym, jaki surova karaje lubuju aktyŭnuju prajavu inšadumstva, nie tolki nie źmianiaje svaju palityku, ale i nie zadavalniajecca dasiahnutym, — zajaviła prezident MFPČ Suer Biełchasien.— Pazbaŭlenyja svabody ludzi praciahvajuć zastavacca mišeńniu represij, a tyja, chto ŭsio ž vyjšaŭ na volu, praciahvajuć zastavacca załožnikami ŭład, u lubuju chvilinu ryzykujučy znoŭ apynucca za kalučym drotam. Meta ŭład — vykarystoŭvać žyćcio i svabodu aktyvistaŭ dla palityčnych tarhoŭ, a taksama pasprabavać praduchilić ich viartańnie da narmalnahaa žyćcia ŭ vypadku vyzvaleńnia».
MFPČ i biełaruskija pravaabaroncy «patrabujuć ad uład krainy spynić hetuju haniebnuju praktyku; vyzvalić i źniać sudzimaść z usich niezakonna asudžanych, a taksama pierahledzieć spravy, u jakich vidavočny palityčny składalnik, i źniać z raniej vyzvalenych achviar palityčna matyvavanaha pieraśledu ŭsie abmiežavańni ŭ pravach».
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?1
Kamientary